આમ તો આપણા શરીર માટે કાચા અને પાકા બંને કેળા ખૂબ જ ફાયદાકારક છે. તેમાં અનેક ગુણકારી તત્વો રહેલા છે. પાકા કેળાના ફાયદા તો તમે જાણતા જ હશો પરંતુ શું તમે જાણો છો કે કાચા કેળા તમારા સ્વાસ્થ્ય માટે ખૂબ જ ફાયદાકારક છે? તે પોટેશિયમની ભરપૂર હોય છે અને તમારી રોગપ્રતિકારક શક્તિને પણ તે મજબૂત બનાવે છે. સાથે જ તે શરીરમાં ગજબ સ્ફૂર્તિ અનુભવ કરાવે છે. તેમાં ભરપૂર માત્રામાં વિટામિન્સ અને એન્ટિ ઓક્સિડન્ટ્સ હોય છે. જાણો કાચા કેળાથી તમને કેવા-કેવા લાભ થશે.
કાચું કેળું વજન ઘટાડવામાં મદદરૂપ છે. તેમાં ભરપૂર માત્રામાં ફાઇબર્સ રહેલા હોય છે. તે બિનજરૂરી ફેટ સેલ્સને સાફ કરવામાં મદદ કરે છે. જેનાથી ઝડપથી વજન ઘચવા માંડે છે.
પાચન સંબંધિત કોઇ સમસ્યાથી પીડાતા હોવ તો કાચા કેળા તેના માટે અક્સીર ઇલાજ છે. તેમાં રહેલા ફાઇબર્સ આંતરડામાં કચરો જામવા નથી દેતા અને તેનાથી પેટ પણ હળવુ રહે છે.
ટાઇપ 2 ડાયાબિટીસથી પીડાતા દર્દીઓ માટે કાચા કેળા આશીર્વાદ સમાન છે. તેમાં શુગર ઘણી ઓછી હોય છે અને તે ડાયાબિટીસના દર્દીઓની અનેક રીતે લાભ પહોંચાડે છે.
જો તમને થોડી થોડી વારે ભૂખ લાગી જતી હોય તો તમારા ભોજનમાં કાચા કેળાને અવશ્ય સ્થાન આપો. આમ કરવાથી વધારે ભૂખ લાગવાની સમસ્યા દૂર થાય છે.
હેલ્થ એક્સપર્ટ્સના મતે કાચા કેળામાં રહેલા એન્ટી ઓક્સિડન્ટ્સ શરીરને શુદ્ઘ બનાવે છે અને તે અને પ્રકારના કેન્સરથી પણ શરીરને બનાવે છે.
કાચા કેળામાં પણ વિપુલ માત્રામાં કેલ્શિયમ રહેલુ હોય છે જેને કારણે હાડકા મજબૂત બને છે.