ફાયદાકારક / ઉનાળામાં કેરી ખાવાનું ભૂલતા નહીં, શરીરના આ રોગો દૂર કરવાથી લઈ મળશે આ જબરદસ્ત ફાયદા

આમ તો તમે કેરી સમારીને ખાવ તે વધુ ઉત્તમ છે, પરંતુ કેરીની ચટણી, આમપન્ના, આમરસ અને મેંગો સ્કવોશ પણ બનાવી શકાય છે. કેરીમાંથી બનેલી ડિશનું સેવન પણ આરોગ્ય માટે એટલુ જ ફાયદાકારક છે. 

કેરીના ગુણ

એન્ટીઓક્સિડન્ટની સાથે એક કપ કેરીમાં 99 કેલરી અને 0.6 ગ્રામ ફેટ હોય છે. આ ઉપરાંત તેમાં 1 ટકા કોલેસ્ટ્રોલ, 1.7 મિલિગ્રામ સોડિયમ, 277.2 મિલિગ્રામ પોટેશિયમ, 25 ગ્રામ કાર્બોહાઇડ્રેટ, 2.6 ગ્રામ ડાયેટરી ફાઇબર, 23 ગ્રામ શુગર, 1.4 ગ્રામ પ્રોટીન, 35 ટકા વિટામીન એ, 20 ટકા કોપર, 18 ટકા ફોલેટ, 9.7 ટકા વિટામીન ઇ, 6.5 ટકા વિટામીન બી5, 6 ટકા વિટામીન કે, 100 ટકા વિટામીન સી, 10 ટકા વિટામીન બી-6, 1 ટકા કેલ્શિયમ, 1 ટકા આયરન અને 4 ટકા મેગ્નેશિયમ હોય છે. 

કેરી ખાવાના ફાયદા

• વિટામીન એથી ભરપુર હોવાના કારણે તેના સેવનથી આંખોની રોશની સુધરે છે. એક કપ કેરીના રસમાં વિટામીન એનો 25 ટકા ભાગ આપણા શરીરને મળે છે. તેનાથી આંખોની રોશની તેજ થાય છે.
• જે લોકો એનિમિયા ગ્રસ્ત છે તેમના માટે કેરી બહેતર ઓપ્શન છે. તેમાં ભરપુર માત્રામાં આયરન હોય છે. તેનાથી શરીરમાં લોહીની કમી પુરી થાય છે. 
• જે લોકો વજન વધારવા ઇચ્છતા હોય તેમણે કેરીને પોતાના ડાયેટનો ભાગ બનાવવી જોઇએ. 150 ગ્રામ કેરીમાં 86 કેલરી હોય છે. જે નેચરલ રીતે વજન વધારવામાં મદદ કરે છે. 
• એન્ટીઓક્સિડન્ટથી ભરપુર કેરીનું સેવન શરીરમાં કેન્સર સેલ્સને વધતા રોકે છે. તેના કારણે તમે ખતરાથી બચી શકો છો.
• ફાઇબરથી ભરપુર હોવાના લીધે તમે પેટના રોગોમાંથી પણ બચી શકો છો.