કાજુ કોણે ના ભાવે? તેનો ઉપયોગ મીઠાઇથી લઇને શાકભાજીમાં અને નાસ્તામાં કરવામાં આવે છે. પરંતુ શું તમે તેણા ફાયદા વિશે જાણો છો? શું તમે જાણો છો કે કાજૂ સ્વાસ્થ્યની સાથે સાથે સ્કિન માટે પણ ફાયદાકારક છે? જાણો કાજૂના ફાયદા વિશે...
- કાજૂમાં કાર્બોહાઇડ્રેટ, કેલ્શિયમ, મેગ્નેશિયમ, ફોસફરસ, પોટેશિયમ, સોડિયમ અને ઝિંક હોય છે. આ સિવાય કાજૂમાં વિટામિન C અને B હોય છે. કાજૂમાં મોનોસેચરેટેડ અને પોલિઅનસેચરેટેડ ફેટી એસિડ હોય છે જે કોલેસ્ટ્રોલને ઓછો કરવામાં મદદ કરે છે.
- સામાન્ય રીતે લોકોમાં માન્યતા છે કે, કાજૂથી વજન વધે છે. પરંતુ ના, કાજૂ વજન ઘટાડવા માટે મદદરૂપ થાય છે. કાજૂમાં રહેલા મેગ્નેશિયમ ફેટ તથા કાર્બોહાઇડ્રેટની માત્રા રેગ્યુલેટ કરવામાં મદદ કરે છે, જેનાથી વજન ઓછુ કરવામાં મદદ મળે છે. આ સિવાય હાડકાને મજબૂત કરવામાં મદદ કરે છે.
- કાજૂમાં ડાયટરી ફેટ્સ હોય છે જે શરીરમાં રહેલા ફેટ સોલ્યુબલ વિટામિન્સ જેવા A, D, E અને અબ્ઝોર્બ કરવામાં મદદ કરે છે.
- કાજૂમાં શુગરની માત્રા ઓછી હોય છે અને તેનાથી કોલેસ્ટ્રોલ પણ નથી વધતો. આ કારણથી ડાયાબિટીસના દર્દીઓ માટે લાભકારક છે. જોકે ડાયાબિટીસના દર્દીઓએ ઓછી માત્રામાં કાજૂ ખાવા જોઇએ.
- કાજૂમાં અધિક માત્રામાં કૉપર હોય છે જે આયરનના મેટાબોલિઝમને સુધારવામાં મદદ કરે છે. જે અંતત: લાલ રક્તની કોશિકાઓને વિસ્તાર કરવામાં મદદરૂપ થાય છે.
- આંખના સ્નાયૂઓને નુકસાન પહોંચવાને કારણે દ્રષ્ટિ ગુમાવી દેતા લોકોની સંખ્યા વધી રહી છે. કાજૂમાં ઝિઆક્ઝેશથિન નામનું એન્ટી ઓક્સિડન્ટ હોય છે જે તમારી આંખોને અલ્ટ્રા વાયલેટ કિરણો સામે રક્ષણ આપે છે. આ ઉપરાંત આ તત્વ ઉંમરની સાથે તમારી આંખને થતા નુકસાનને પણ અટકાવે છે.
- કાજૂ ત્વચા માટે પણ ફાયદારૂપ છે, તેનો ઉપયોગ ઘણી બ્યૂટી પ્રોડક્ટ્સમાં કરવામાં આવે છે. ત્વચાને મુલાયમ કરવા માટે પણ મદદ કરે છે.