આદુ કેટલું ફાયદાકારક છે એ તો મોટાભાગના લોકો જાણતા જ હશે. પણ આદુને દૂધમાં મિક્સ કરીને પીવાથી પણ જબરદસ્ત ફાયદા મળે છે આ વાત કદાચ તમે જાણતા નહીં હોવ. જી હાં, આદુમાં એન્ટીઈન્ફ્લામેટરી અને એન્ટીબેક્ટેરિયલ ગુણ હોય છે. જેના કારણે શરદી-ખાંસી અને વાયરલ, ફ્લૂમાં તેનું સેવન કરવાની સલાહ આપવામાં આવે છે. ગર્ભવતી મહિલાઓને પણ મોર્નિંગ સિકનેસ દૂર કરવા માટે આદુવાળી ચા પીવાની સલાહ આપવામાં આવે છે. જ્યારે દૂધ પણ એક પૂર્ણ પૌષ્ટિક આહાર છે. જો તમે આદુ મિક્સ કરીને પીવામાં આવે તો ઘણી સમસ્યાઓ દૂર કરી શકાય છે. જાણો ફાયદા અને રીત.
આદુવાળું દૂધ બનાવવાની રીત
સૌથી પહેલાં એક ઈંચ આદુનો ટુકડો લઈને તેને ધોઈ લો. હવે તેના નાના કડકા કરીને 1 ગ્લાસ દૂધ ઉકળવા મૂકો અને પછી તેમાં આદુ નાખો. 5 મિનિટ પછી દૂધ ગાળીને નવશેકુ રહે એટલે પી લો. તમે દૂધમાં સાકર કે ખાંડ નાખી શકો છો.
ફાયદા
નિયમિત રીતે આદુવાળું દૂધ પીવું હેલ્થ માટે બહુ જ સારું છે. આ ડ્રિંક ઘણાં રોગોથી તમને બચાવશે. જો તમને કબજિયાત, ગેસ, એસિડિટી જેવી સમસ્યાઓ રહેતી હોય તો આ મિશ્રણ તમારા માટે બેસ્ટ છે. રોજ સવારે નાસ્તા સાથે આદુવાળું દૂધ પીવો.
જો તમને સિઝનમાં ફેરફાર થતાં જ બીમારીઓ થવા લાગે છે તો આદુવાળું દૂધ પીવાનું શરૂ કરી દો. તેનાથી ઈમ્યૂનિટી વધે છે.
ગળાની ખારાશની સમસ્યા જે લોકોને કાય સતાવતી હોય તેમને પણ રોજ આદુવાળું દૂધ પીવું જોઈએ. તેનાથી ગળાનું ઈન્ફેક્શન દૂર થાય છે.
રોજ આદુવાળું દૂધ પીવાથી હાડકાંઓ મજબૂત રહેલ છે. તેમાં એન્ટીઈન્ફ્લામેટરી ગુણ હોય તે હાડકાંઓમાં સોજાની સમસ્યાને પણ દૂર કરે છે.