કરિના કપૂર, મલાઇકા અરોરા, દીપિકા પાદુકોણ જેવી અભિનેત્રીઓના ડાયેટ ચાર્ટમાં ચિયા સીડ્સને રોજિંદા સુપર ફુડનુ સ્થાન શા માટે મળ્યુ છે જાણો છો?
ચિયા સીડ્સ અંગે તમે ઘણીવાર સાંભળ્યુ હશે, પરંતુ શા માટે ફિટ એન્ડ ફાઇન આ અભિનેત્રીઓ તેમના ડેઇલી ચાર્ટમા તે સામેલ કરતી હશે. આખરે શું છે એવું ચિયા સીડ્સમાં.
મિન્ટ પ્રજાતિના આ બીજ નાના અને કાળા, ભુરા, સફેદ રંગના હોય છે. તે મુળ મેક્સિકોમાં મળી આવે છે. તેમાં ખુબ જ જરુરી એવા પોષકતત્વો સામેલ છે. ચિયા સીડ્સમાં એન્ટીઓક્સિડન્ટ, ફાઇબર, પ્રોટીન, કેલ્શિયમ, કેલરી, ઓમેગા-3 ફેટી એસિડ્સ, મેગ્નેશિયમ, ફોસ્ફરસ, આયરન, ઝિંક, ડાઇજેસ્ટેબલ કાર્બોહાઇડ્રેટ, એમિનો એસિડ વગેરેથી ભરપુર છે.
ચિયાસિડ્સમાં રહેલું ઓમેગા-3 ફેટી એસિડ શરીરમાં સારા કોલેસ્ટ્રોલની માત્રા વધારે છે. તેથી તે હાર્ટએટેક કે સ્ટ્રોકની આશંકા ઘટાડી દે છે. જેનું વજન વધુ હોય અને જેને વારંવાર ભુખ લાગતી હોય તે વ્યક્તિ જો ડાયેટમાં ચિયાસિડ્સ સામેલ કરે તો શરીરને પ્રચુર માત્રામાં ફાઇબર મળે છે તેથી પેટ ભરેલુ રહે છે અને તેનાથી વજન પણ નિયંત્રણમાં રહે છે.
સારી વાત એ છે કે આ સિડ્સનો ઉપયોગ ઓટમીલ, દહીં કે અન્ય કોઇ ફળ સાથે ખાવામાં થઇ શકે છે. તેને શાકભાજીમાંથી તૈયાર સલાડમાં ભેળવીને પણ ખાઇ શકાય છે. તેને પુડિંગ, પેનકેક કે સ્મુઘીમાં નાંખીને પણ ખાઇ શકાય છે. ચિયા સીડ્સને ઓછામાં ઓછા અડધો કલાક પલાળવા જોઇએ જેથી તે ફુલી જાય છે. ત્યારબાદ જ તેનો પ્રયોગ કરી શકાય. તે ડિરેક્ટ ન ખાઇ શકાય.
ચિયાસીડ્સ રોજ 40 ગ્રામની માત્રાથી વધુ ન ખાવા જોઇએ. તેને વધુ પ્રમાણમાં ખાવાથી પેટ દર્દ, એસિડિટી કે ગેસની સમસ્યા થઇ શકે છે.