હેલ્થ બેનિફિટ્સ / આ રીતે કરો દૂધ અને કેળાનો ઉપયોગ, મળશે એવા ફાયદા કે જાણીને રહી જશો હેરાન

• આ રીતે કરો દૂધ અને કેળાનો ઉપયોગ
• બનાના શેકનો એક ગ્લાસ કરશે કમાલ
• પેટ અને ઊંઘની સમસ્યામાં આપશે રાહત

 
કેળાની સાથે દૂધનું સેવન કરવું શરીરને માટે ફાયદો કરે છે. ખાસ કરીને બાળકોને દૂધની સાથે કેળા આપવામાં આવે છે. તો અન્ય તરફ વર્કઆઉટ કરનારા પણ દૂધ અને કેળાને એકસાથે લેવાનું પસંદ કરે છે. હેલ્થને માટે તેના અનેક ફાયદા હોય છે. તેના માટે તમારે દૂધ અને કેળાનો યોગ્ય રીતે ઉપયોગ કરવાનો રહે છે. જો તેનો યોગ્ય ઉપયોગ કરશો તો તમને તેના ફાયદા મળે છે. કેળા અને દૂધનો બનાના શેક શરીરને એનર્જીની સાથે સાથે અન્ય અનેક ફાયદા પણ આપે છે. તો જાણો શું ફાયદા થાય છે અને યોગ્ય રીતે બનાના શેક કેવી રીતે બનાવી શકાય તે વિશે. 

 
પાચનતંત્ર રહે છે સારુ
બનાના શેકમાં વિટામીન સી, વિટામીન બી-6 અને ફાઈબર વધારે પ્રમાણમાં હોય છે. તેનાથી પાચનતંત્રને ફાયદા થાય છે. બનાના શેક કબજિયાત અને પેટના માટે લાભદાયી રહે છે. 

ઊંઘ સારી આવે છે
કેળામાં ટ્રિપ્ટોફૈન મળે છે. જે સેરોટિનિનના સ્ત્રાવમાં મદદ કરે છે. સારી ઊંઘમાં પણ ફાયદો કરે છે. જે લોકોને ઊંઘ ઓછી આવે છે તેઓએ સૂતા પહેલા બનાના શેકનો એક ગ્લાસ પીવો.
 
ઇમ્યુન સિસ્ટમને સ્ટ્રોન્ગ કરે છે
બનાના શેકમાં વિટામીન સી મળે છે. વિટામીન સીના સેવનથી ઈમ્યુનિટી વધે છે. સાથે તેમાં વ્હાઈટ બ્લડ સેલ્સને વધારવાની પણ ક્ષમતા છે. 
 
કિડનીની સમસ્યામાં મળે છે રાહત
બનાના શેકમાં કેટલાક એવા તત્વો હોય છે જે મીઠાના દુષ્પ્રભાવને દૂર કરે છે. તેનાથી કિડની યોગ્ય રીતે કામ કરતી રહે છે. 

હાર્ટને રાખે છે સ્વસ્થ
કેળામાં પોટેશિયમ ભરપૂર પ્રમાણમાં હોય છે. તે હાર્ટ સાથે સંબંધિત સમસ્યાઓને ઘટાડવામાં મદદ કરે છે. સાથે જ તે સ્ટ્રોકની સંભાવનાને પણ ઘટાડવાનું કામ કરે છે. 

આ રીતે બનાવો બનાના શેક
બનાના શેકને બનાવવામાં વધારે મહેનત કરવાની રહેતી નથી. 2 કેળાને નાના પીસમાં સુધારી લો. તેમાં એક કપ દૂધને મિક્સ કરો. હવે આ બંને ચીજને મિક્સરમાં 30 સેકંડ સુધી ફેરવો. તેમાં 2 ચમચી મધ મિક્સ કરો. તમારો ટેસ્ટી અને હેલ્ધી બનાના શેક તૈયાર છે.