સ્વાસ્થ્ય / ઘણા રોગો માટે રામબાણ ઇલાજ છે ફૂદીનો, આપશે આરામ

ડોક્ટરો અનુસાર, લૂથી બચવા માટે પણ ફૂદીનો ફાયદાકારક છે. ઉનાળાની આકરી ગરમીમાં ઘરની બહાર નીકળતા પહેલા ફૂદીનાનો રસ પીવામાં આવે તો લૂ લાગતી નથી.

રિસર્ચ અનુસાર, ફૂદીનો પાચન ક્રિયા સુધારવામાં મદદ કરે છે. આ તમને પેટને લગતી તમામ પ્રકારની બિમારીઓ સામે લડવા માટે મદદ કરે છે. કબજિયાત, પેટમાં દુખાવો અને ગેસની તકલીફમાં પણ ફુદીનો ફાયદારૂપ છે. જેમણે ફૂદીનો ના ભાવતો હોય તે લોકો છાશની સાથે સેવન કરી શકે છે. 

ફૂદીનો તમને તણાવ અને ચિંતા ઓછી કરવામાં મદદ કરે છે. મેન્થોલની ઉપસ્થિતિમાં એક માંસપેશી રિલેક્સમેન્ટના રૂપમાં કામ કરે છે. મેન્થોલ મુખ્ય રીતે માથાના દુખાવાની સારવારમાં મદદરૂપ થાય છે. 

ફૂદીનો રિફ્રેશમેન્ટનું કામ કરે છે. ખરાબ શ્વાસ સામે લડવામાં મદદરૂપ થાય છે. મોંની દૂર્ગંધને દૂર કવરા માટે ફૂદીનાની ફ્લેવરના ફ્રેશનર પણ મળે છે, તેમાં જીવાણુરોધી ગુણ હોય છે જે કોઇ પણ પ્રકારના બેક્ટેરિયાને કારણે થતી દૂર્ગંધને રોકી શકે છે.

 જે લોકો માઇગ્રેન કે માથાના દુખાવાથી પરેશાન છો તેમના માટે ફૂદીનો રામબાણ ઇલાજ છે. માથામાં ફૂદીનાના તેલની માલિશ કરી શકો છો. માથામાં અસહ્ય દુખાવો થતો હોય તો ફૂદીનાવાળી ચા પીશો તો આરામ મળશે.

માત્ર સ્વાસ્થ્ય માટે નહીં, સુંદરતા વધારવા માટે પણ ફૂદીનાનો ઉપયોગી સાબિત થાય છે. ફૂદીનાનુ સેવન બ્યૂટી પ્રોડક્ટ્સમાં પણ કરવામાં આવે છે. તે કોશિકાને નવી ઉર્જા આપે છે અને સાથે જ સ્ક્રિનને ચમકાવે છે.