શિયાળાની સિઝનમાં રંગબેરંગી શાકભાજીઓની સાથે જ લીલા વટાણા ખૂબ પસંદ કરવામાં આવે છે. સ્વસ્થ રહેવા માટે પણ એનું સેવન ફાયદાકારક છે. એમાં પ્રોટીન ફાઇબર વિટામિન્સ ફોસ્ફરસ પોટેશિયમ આયરન મેગ્નેશિયમ કોપર અને ઝીંક જેવા પોષક તત્વો મળી આવે છે. એનાથી આંખોની રોશની વધવાની સાથે દિલ મજબૂત બનાવે છે. શાકાહારી લોકોને વટાણામાંથી સારું પ્રોટીન મળે છે.
વટાણામાં વિટામીન એ અલ્ફા કૈરોટીન અને બીટા કૈરોટીનનું સારું પ્રમાણ હોય છે. જે આંખો માટે ખૂબ ફાયદાકારક હોય છે. રોજ કાચા વટાણાથી આંખોની રોશની તેજ થાય છે.
રોજ વટાણા ખાવાથી કોલેસ્ટ્રોલ લેવલ પણ કંટ્રોલમાં રહે છે. આ શરીરમાં ટ્રાઇગ્લિસરાઇડ્સના સ્તરને ઓછું કરીને લોહીમાં કોલેસ્ટ્રોલ સંતુલિત બનાવી રાખે છે.
લીલા વટાણા ખાવાથી યાદશક્તિ ઝડપી થાય છે. આ ઉપરાંત મગજ સંબંધી નાની નાની સમસ્યા દૂર રહે છે. એટલા માટે ડાયટમાં જરૂરથી સામેલ કરો.
એમાં રહેલું પ્રોટીન હાડકા મજબૂત બનાવે છે. આ ઉપરાંત એને ખાવાથી મસલ્સ પણ સ્ટ્રોંગ થાય છે.
વજન ઘટાડવા માટે સૌથી સારો વિકલ્પ છે કે દરરોજ મુઠ્ઠી ભરીને વટાણાનું સેવન કરો.
એન્ટીઓઓક્સીડેન્ટ અને વિટામીન કે નું ભરપૂર પ્રમાણ હોવાના કારણે દરરોજ કાચા વટાણાનું સેવન શરીરમાં કેન્સર સેલ્સને વધતા રોકે છે.