BIG BREAKING / હેડક્લાર્ક પેપરલીકમાં સૌથી મોટા સમાચાર: અસિત વોરાને મળ્યા પુરાવા, યુવરાજસિંહે કહ્યું બાકીના ગૃહરાજ્યમંત્રીને આપીશું

• GSSSBના અધ્યક્ષને પુરાવા સોંપ્યા- યુવરાજસિંહ
• GSSSB પોતે આ મુદ્દે ફરિયાદી બનશેઃયુવરાજસિંહ
• પેપરની હાર્ડ કોપી સોશિયલ મીડિયામાં થઈ વાયરલ

VTVને પેપરલીક કેસમાં EXCLUSIVE માહિતી હાથ લાગી છે. ખાનગી સૂત્રો દ્વારા મળતી માહિતી મુજબ ટૂંક સમયમાં હેડક્લાર્ક પેપરલીક માટે ફરિયાદ નોંધાશે. જિલ્લા પોલીસ વડાએ LCBને કેસની તપાસ સોંપી દીધી છે. કારણ કે LCB દ્વારા પેપરલીક મામલે છેલ્લા બે દિવસથી તપાસનો ધમધમાટ ચાલી રહ્યો છે. પોલીસ ફરિયાદ બાદ મોટા માથાઓની પણ સંડોવણી બહાર આવવાની પૂરેપૂરી શક્યતા છે. તો બીજી તરફ 

ગોપનીય પુરાવા હર્ષ સંધવીને આપીશું: યુવરાજસિંહ જાડેજા
હેડકલાર્કની પરીક્ષાનો કથિત પેપરલીક મામલે યુવરાજસિંહ જાડેજા પહેલાથી પુરાવા ગૌણ સેવાને આપી દીધા હોવાની વાત કરી રહ્યા છે. ત્યારે આજે બપોર બાદ  યુવરાજસિંહ જાડેજા ગૌણ સેવા  પસંદગી મંડળને  પૂરાવા રૂબરૂ સોંપવા માટે ગયા હતા જ્યાં તે ચેરમેન અસિત વોરાને મળ્યા હતા. જે બાદ યુવરાજ સિંહે કહ્યું હતું કે ગૃહરાજ્ય મંત્રી હર્ષ સંઘવીને પુરાવા આપવા જવાનું છે. સોશિયલ મીડિયા સહિતના પુરાવા સંધવી સાથેની મૂલાકાત દરમિયાન રજૂ કરવામા આવશે.  નિષ્પક્ષ તપાસ તે માટે રજૂઆત કરવાની વાત કરી હતી. પૂરાવાનું વેરીફેક્શન કરવાનું હશે અને જરૂર જણાશે તો અમે તપાસ ટીમનો પૂરતો સહયોગ કરવા તૈયાર છીએ. કેટલાક ગોપનિય પુરાવા ફક્ત ગૃહરાજ્યમંત્રીને આપવાની વાત કહી હતી. યુવરાજસિંહે GSSSBના અધ્યક્ષને સચિવ, ઉપસચિવની હાજરીમાં પુરાવા સોંપ્યા છે...સાથે GSSSB આ પેપર લીક મામલે પોતે ફરિયાદી બનશે,.સાે બીજા કેટલાક સંવેદનશીલ પુરાવાઓ પણ સોંપવામાં આવશે.પેપરની હાર્ડ કોપી સોશિયલ મીડિયામાં પણ પુરાવા આપવામાં આવ્યા છે..સાબરકાંઠાના હિંમતનગરના એક ફાર્મમાંથી પેપર લીક થવાની કળી મળી હતી...ત્યાર બાદ એક પછી એક તાર મળતા આખરે સરકારે સ્વિકાર્યુ છે કે હેડ કલાર્કની ભરતીમાં પેપર લીક થયુ છે. સરકાર સખ્ત પગલા નહીં લે તો અમે હાઈકોર્ટમાં જઈશું અમે સરકાર અને ગૌણ સેવા મંડળને 78 કલાકનું અલ્ટીમેટમ આપીએ છીએ કે તાબડતોબ એક્શન લે નહિતર ન છૂટકે આંદોલન પર બેસવું પડશે.

ગૃહરાજ્યમંત્રીએ બોલાવી તાત્કાલિક બેઠક
હેડક્લાર્કની પરીક્ષાના પેપરલીકનો મામલો ગુંચ યથાવત જોવા મળી રહી છે. ત્યારે ગૃહરાજ્યમંત્રીએ હર્ષ સંધવી હવે એક્શન મોડમાં આવ્યા છે. તાત્કાલિકના ધોરણે તપાસમાં જોડાયેલા અધિકારીઓને બેઠકમાં હાજર રહેવાનો આદેશ કરવામાં આવ્યો છે. બે કલાકમાં અધિકારીઓને ગૃહરાજ્યમંત્રીના કાર્યાલય પહોંચવાની સૂચના આપી દેવાઈ છે. બેઠકમાં કથિત પેપરલીક કેસમાં અત્યાર સુધીની તપાસ મુદ્દે થશે ચર્ચા થશે ત્યાર બાદ કોઈ નિવેદન જાહેર કરાય તેવી શક્યતાઓ સેવાઇ રહી છે.

અસિત વોરા પર સરકારના ચાર હાથ
ગૌણસેવા પસંદગી મંડળના ચેરમેનને સરકારે ક્લીનચીટ આપી છે.. ચેરમેન અસિત વોરા મુદ્દે સરકારના પ્રવક્તા જીતુ વાઘાણીએ જણાવ્યું કે અસિત વોરાને ચેરમેન પદેથી નહીં હટાવાય.. અસિત વોરાના સમયમાં પરીક્ષા યોગ્ય રીતે લેવાય છે.. જવાબદારો સામે સરકાર પગલા ભરવામાં આવશે.. અસિત વોરાના સમયમાં ગૌણ સેવામાં અનેક પેપર લીક થયા છે.. પેપરલીક કાંડ પછી પણ સરકારનો અસિત વોરા પર ચાર હાથ હોવાનું પણ માનવામાં આવી રહ્યું છે.

 VTVની ટીમ માણસા પણ પહોંચી
હેડક્લાર્કની પરીક્ષાનું પેપર લીકનો આક્ષેપ મામલે વિદ્યાર્થી નેતાઓએ માણસાની શાળાનું નામ આપ્યું હતું. VTVની ટીમ માણસાની એસ. એફ. ચૌધરી શાળાએ પહોંચી. પેપર ખરીદનાર ઉમેદવારોએ માણસાની શાળામાં પરીક્ષા આપી હતી. શાળાએ પરીક્ષાના દિવસના CCTV ચેક કર્યા હતાં. પ્રાથમિક તપાસમાં કંઇ શંકાસ્પદ જણાઇ નથી આવ્યું. પેપર ફોડનારને શાળાની બહાર જ ચેક આપવામાં આવ્યો હોવાનો આક્ષેપ પણ થયો હતો. શાળાના સંચાલકોએ આ સમગ્ર મામલે VTV સાથે વાતચીત કરી. સંચાલકોએ જણાવ્યું કે અમારી શાળામાં બહારના વ્યક્તિને પ્રવેશની મનાઇ છે. પેપરલીકની તપાસમાં શાળા દ્વારા સંપૂર્ણ સહકાર આપવામાં આવશે