જીતની ખુશીમાં કેપ્ટન શિખર ધવને ટીમનો જુસ્સો વધારવા માટે એક નવો પેંતરો અજમાવ્યો હતો. જેનો વિડીયો હાલ સોશ્યલ મીડિયા પર ખૂબ જ વાયરલ થઈ રહ્યો છે.
ત્રીજી ODI મેચમાં ડકવર્થ-લુઈસ નિયમ હેઠળ વેસ્ટ ઈન્ડિઝને 119 રનથી હરાવ્યું હતું
કોચ રાહુલ દ્રવિડે દરેક યુવા ક્રિકેટરની પ્રસંશા કરી
શિખર ધવને ટીમનો જુસ્સો વધારવા માટે એક નવો પેંતરો અજમાવ્યો હતો
ટીમ ઈન્ડિયાએ પોર્ટ ઓફ સ્પેનમાં રમાયેલી ત્રીજી ODI મેચમાં ડકવર્થ-લુઈસ નિયમ હેઠળ વેસ્ટ ઈન્ડિઝને 119 રનથી હરાવ્યું હતું. આ જીતની સાથે જ શિખર ધવનની આગેવાની હેઠળની ભારતીય ટીમે વનડે શ્રેણીમાં વેસ્ટ ઈન્ડિઝને 3-0થી ક્લીન સ્વીપ કરી લીધું હતું. ભારતીય ટીમે પ્રથમ વખત વેસ્ટ ઈન્ડિઝને તેની ઘરઆંગણે વનડે શ્રેણીમાં પરાજય આપ્યો છે. ટીમ ઈન્ડિયાની જીતમાં ઓપનર શુભમન ગિલ (અણનમ 98)એ મહત્વની ભૂમિકા ભજવી હતી.
Talent wins game but teamwork and intelligence wins championship! 🙌 Kudos to team for the amazing face-off! 😍👏 #IndvsWIpic.twitter.com/jMZOjWiTN6
આ પછી ટીમ ઈન્ડિયાના ડ્રેસિંગ રૂમમાં કોચ રાહુલ દ્રવિડે દરેક યુવા ક્રિકેટરની પ્રસંશા કરી હતી અને એમના જોશ અને જુસ્સાને આમ જ ઉપયોગ કરતાં રહેવાની સલાહ આપી હતી સાથે જ કેપ્ટન શિખર ધવનની પણ પ્રશંસા કરી હતી. એ પછી જીતની ખુશીમાં કેપ્ટન શિખર ધવને ટીમનો જુસ્સો વધારવા માટે એક નવો પેંતરો અજમાવ્યો હતો. જેનો વિડીયો હાલ સોશ્યલ મીડિયા પર ખૂબ જ વાયરલ થઈ રહ્યો છે.
જેમાં શિખર ધવન અંગ્રેજીમાં કહે છે કે 'આપણે કોણ છીએ' અને આખી ટીમ કહે છે કે આપણે ચૅમ્પિયન્સ છીએ.' હાલ આ વિડીયો સોશ્યલ મીડિયામાં ધમાલ મચાવી રહ્યો છે. આ વિડીયો BCCI એ તેના ઓફિશિયલ ટ્વિટર હેન્ડલમાંથી અપલોડ કર્યો છે.
ટોસ જીતીને બેટિંગ કરવા ઉતરેલી ભારતીય ટીમની શરૂઆત ઘણી સારી રહી હતી. કેપ્ટન શિખર ધવન અને શુભમન ગીલે પ્રથમ વિકેટ માટે 113 રનની ભાગીદારી નોંધાવી હતી. જ્યારે ધવને જેસન હોલ્ડરની બોલ પર ચોગ્ગા સાથે ખાતું ખોલાવ્યું હતું, તો ગિલે જેડન સીલ્સની બોલ પર ચોગ્ગા સાથે પોતાની ઇનિંગની શરૂઆત કરી હતી. શિખર ધવને પાછળથી જેડન સીલ્સ અને કીમો પોલની બોલીંગ પર ચોગ્ગા ફટકાર્યા અને પછી 12મી ઓવરમાં જેસન હોલ્ડર પાલે બે ચોગ્ગા સાથે ટીમનો સ્કોર 50 રનથી આગળ લઈ ગયો. બાદમાં, ધવને પણ કીમો પોલના બોલ પર બે રન બનાવીને 62 બોલમાં પોતાની અડધી સદી પૂરી કરી હતી.
બીજી તરફ ભારતની રનની સદી 20મી ઓવરમાં પૂરી થઈ ગઈ હતી. આ પછી શુભમન ગિલે પણ સીલ્સની બોલ પર 60 બોલમાં પોતાની અડધી સદી પૂરી કરી હતી. થોડા સમય બાદ હેડન વોલ્શ જુનિયરે શિખર ધવનને પોતાની જાળમાં ફસાવી દીધો હતો. ધવને 58 રનની ઈનિંગમાં સાત ચોગ્ગા ફટકાર્યા હતા. ભારતની ઈનિંગની 24 ઓવર પૂરી થયા બાદ વરસાદને કારણે મેચ રોકી દેવામાં આવી હતી અને મેચ ફરીથી 40 ઓવરની કરવામાં આવી હતી.
ડકવર્થ લુઈસ નિયમ હેઠળ વેસ્ટ ઈન્ડિઝને 35 ઓવરમાં 257 રનનો ટાર્ગેટ મળ્યો હતો. પરંતુ તેના બેટ્સમેનો એક પછી એક આઉટ થતા રહ્યા. પરિણામે સમગ્ર ટીમ 26 ઓવરમાં 137 રનમાં ઓલઆઉટ થઈ ગઈ હતી. વેસ્ટ ઈન્ડિઝ માટે કેપ્ટન નિકોલસ પૂરન અને બ્રૈંડન કિંગ થોડો સમય વિકેટ પર ટકી શક્યા. કિંગ અને પૂરનએ 42-42 રનની ઇનિંગ રમી હતી.આ સિવાય માત્ર શાઈ હોપ (22) અને હેડન વોલ્શ જુનિયર જ બે આંકડા સુધી પહોંચી શક્યા હતા.