નિર્ણય / BIG BREAKING : આખરે હેડક્લાર્ક પરીક્ષા કરાઈ રદ્દ, બેઠક બાદ ગૃહરાજ્યમંત્રી હર્ષ સંઘવીએ કરી જાહેરાત

• હેડ ક્લાર્કની પરીક્ષા રદ્દ
• ગૃહ રાજ્યમંત્રી હર્ષ સંઘવીની જાહેરાત 
• રાજ્ય સરકારની બેઠક બાદ લેવાયો નિર્ણય

પત્રકાર પરિષદને સંબોધન કરતા ગૃહ રાજ્યમંત્રી હર્ષ સંઘવીએ જણાવ્યું હતું કે, પેપરલીક થયાં બાદ તાત્કાલિક અસરથી પોલીસ અને રાજ્ય સરકાર એક્શનમાં આવી હતી અને યુદ્ધના ધોરણે તપાસના આદેશ આપ્યા હતા. જેમાં ગણતરીના દિવસોમાં જ પેપરલીક કરનાર લોકો સામે ફરિયાદ નોંધાઈ અને 14 લોકોની ધકપકડ કરવામાં આવી છે. 

30 લાખ રૂપિયા કરાયા રિકવર

આ સાથે જ તેમણે જણાવ્યું હતું કે, ગુજરાત પોલીસ દ્વારા અત્યાર સુધીમાં 30 લાખ રૂપિયા રિકવર કરવામાં આવ્યા છે. આ સાથે જ પ્રિન્ટિંગ પ્રેસના કર્મી અને માલિક સામે કડક કાર્યવાહી કરવાના આદેશ આપ્યા છે. હાલ આ કેસ ફાસ્ટ ટ્રેક કોર્ટમાં કેસ ચલાવવામાં આવે અને 88 હજાર પરિવાર લોકોને ન્યાય મળી રહે તે માટેના સરકાર દ્વારા પગલા લેવામાં આવશે.

BIG BREAKING : હેડક્લાર્ક પરીક્ષા રદ્દ કરવાનો લેવાયો નિર્ણય, બેઠક બાદ ગૃહરાજ્યમંત્રી હર્ષ સંઘવીએ કરી જાહેરાત#HeadClerkExam #paperleak #Gujarat @sanghaviharsh pic.twitter.com/JExu91YW0y

— VTV Gujarati News and Beyond (@VtvGujarati) December 21, 2021

પરીક્ષા કરાઈ રદ્દ
રાજ્યમાં લાયક યુવા ઉમેદવારોની મહત્વકાંક્ષા પર આંચ ન આવે અને તેમનો વિશ્વાસ જળવાઈ રહે તે માટે આ લેખિત પરીક્ષા રદ્દ કરવામાં આવે છે.

હેડ કલાર્ક પેપર લીક કેસમાં પોલીસને મહત્વની સફળતા

મહત્વનું છે કે સાબરકાંઠાના પ્રાંતિજ પોલીસ સ્ટેશનમાં થયેલી ફરિયાદમાં જયેશ આરોપી નંબર-1 છે અને તેના પર લાખો રૂપિયામાં દીપક પટેલ પાસેથી પેપર ખરીદવાનો આરોપ લગાવાયો છે. જયેશ પટેલે પેપર ખરીદ્યા બાદ અલગ અલગ બે ગ્રુપને પેપર વેચ્યું હતું. તેમ જ તેના સંબંધીના ઘરે જ લીક પેપર સોલ્વ થયું હોવાનો પણ આરોપ લગાવવામાં આવ્યો છે.

ગાંધીનગરમાં બેઠક યોજાઈ હતી

બીજી બાજુ ગાંધીનગરમાં પણ રાજ્ય સરકારની મહત્વની બેઠક શરૂ થઈ ગઈ હતી. જેમાં ગૃહ રાજ્યમંત્રીની અધ્યક્ષતામાં ઉચ્ચસ્તરીય બેઠક બોલાવવામાં આવી હતી. આ બેઠકમાં હેડ ક્લાર્કની પરીક્ષા રદ્દ કરવી કે નહીં તે અંગે ચર્ચા કરવામાં આવી હતી. આ બેઠક બાદ ગૃહરાજ્યમંત્રી CM ભૂપેન્દ્ર પટેલ ચર્ચા કરી હતી.