હેડ ક્લાર્કની 186 જગ્યાની ભરતી માટેની પરીક્ષાનું પ્રશ્નપત્ર ફૂટી ગયાના આક્ષેપો થયા બાદ પેપર લીકમાં શંકાસ્પદ ભૂમિકા ભજવનાર કેતન વાળંદના ક્લિનિકે અને માણસાની શાળાએ VTVની ટીમ પહોંચી હતી.
હેડક્લાર્ક ભરતી પરીક્ષા પેપર લીક આક્ષેપ
પેપર લીકમાં માણસાની શાળાનો ઉલ્લેખ
VTVની ટીમ માણસાની શાળાએ પહોંચી
12 ડિસેમ્બરના રોજ ગુજરાત ગૌણ સેવા પસંદગી મંડળ દ્વારા લેવામાં આવેલી હેડ ક્લાર્કની 186 જગ્યાની ભરતી માટેની પરીક્ષાનું પ્રશ્નપત્ર ફૂટી ગયાના આક્ષેપો કરવામાં આવી રહ્યાં છે ત્યારે પેપર લીકમાં શંકાસ્પદ ભૂમિકા ભજવનાર કેતન વાળંદના ક્લિનીકે પહોંચ્યું હતું સાથે જ પેપર લીકનો આક્ષેપ મામલે વિદ્યાર્થી નેતાઓએ માણસાની શાળાનું નામ આપી રહ્યા છે તે શાળાએ પણ VTVની ટીમ પહોંચી હતી.
VTVની ટીમ માણસામી એસ. એફ. ચૌધરી શાળાએ પહોંચી
હેડક્લાર્કની પરીક્ષાનું પેપર લીકનો આક્ષેપ મામલે વિદ્યાર્થી નેતાઓએ માણસાની શાળાનું નામ આપ્યું હતું. જે બાદ VTVની ટીમ માણસાની એસ. એફ. ચૌધરી શાળાએ પહોંચી હતી. પેપર ખરીદનાર ઉમેદવારોએ માણસાની શાળામાં પરીક્ષા આપી હતી. શાળાએ પરીક્ષાના દિવસના CCTV ચેક કર્યા હતાં. પ્રાથમિક તપાસમાં કંઇ શંકાસ્પદ જણાઇ આવ્યું નથી. પરતું પેપર ફોડનારને શાળાની બહાર જ ચેક આપવામાં આવ્યો હોવાનો આક્ષેપ પણ થયો હતો. શાળાના સંચાલકોએ આ સમગ્ર મામલે VTV સાથે વાતચીત કરી જેમાં શાળા સંચાલકોએ કહ્યું કે અમારી શાળામાં બહારના વ્યક્તિને પ્રવેશની મનાઇ છે. તેમજ પેપર લીકની તપાસમાં શાળા સંપૂર્ણ સહકાર આપશે તેવુ સંચાલકોએ જણાવ્યું હતું.
કેતન વાળંદના ક્લિનીકે પહોંચ્યું VTV
સાબરકાંઠામાં હેડ ક્લાર્ક પેપર લીકમાં શંકાસ્પદ ભૂમિકા નિભાવનાર કેતન વાળંદના ઘરે VTVની ટીમ પહોંચી હતી. કેતન વાળંદ સાબરકાંઠાના રાયગઢમાં કેતન શર્માના નામે BHMS ક્લિનીક ચલાવે છે ત્યારે શનિવારે ક્લિનિક બંધ હોવાનું ગામલોકોએ જણાવ્યું છે. ત્યારે પેપર લીક મામલે કેતન વાળંદ ઉર્ફે શર્માની પૂછપરછ કરતા અનેક માહિતી બહાર આવી શકે છે.
ખોડલધામના ચેરમેન નરેશ પટેલે નિવેદન
મહત્વનું છે હેડ કલાર્ક ભરતી પરીક્ષાના કથિત પેપર લીક મુદ્દે આજે ખોડલધામના ચેરમેન નરેશ પટેલે નિવેદન આપતા કહ્યું હતું કે પેપર લીક થયુ તે દુઃખદ ઘટના છે સરકારે આ મામલે નક્કર પગલા ભરવા જોઇએ. બેથી ત્રણ વખત પેપર લીક થયું છે ત્યારે સરકારે સિસ્ટમ ચેન્જ કરવી જોઇએ.