વર્ષ 2000માં જ્યારે ફિલ્મ હેરા ફેરી રિલીઝ થઈ હતી ત્યારે દર્શકોને અક્ષય કુમાર, સુનીલ શેટ્ટી અને પરેશ રાવલની જોડી ખૂબ જ પસંદ આવી હતી. લોકોએ ફિલ્મના આ ત્રણેય કેરેક્ટરને ખૂબ જ પસંદ કર્યા હતા. ફિલ્મની સફળતાને જોતા વર્ષ 2006માં હેરા ફેરીનો બીજો પાર્ટ રિલીઝ થયો, આ ફિલ્મે પણ બોક્સ ઓફિસ પર કમાલ કર્યું. સોશિયલ મીડિયા પર હેરા ફેરી 2ના મીમ્સ ખૂબ જ વાયરલ થયા હતા. એવું લાગ્યું જાણે આ ફિલ્મ મીમ ક્રિએટર્સની ફેવરિટ છે.
ફિલ્મ હેરા ફેરીને લઈને આવ્યા ખાસ સમાચાર
આ કારણથી હજી સુધી ફિલ્મનો ત્રીજો પાર્ટ નથી આવ્યો
આ ફિલ્મ માટે અક્ષયે રાખી હતી આ શરત
બોલિવૂડ હંગામામાં છપાયેલી એક રિપોર્ટ મુજબ થોડાં સમય પહેલાં ફરી આ ફિલ્મનો ત્રીજો ભાગ બનવાની ચર્ચા શરૂ થઈ હતી. રિપોર્ટ અનુસાર એક સૂત્રએ જણાવ્યું-ફિલ્મના નિર્માતા ફિરોઝ નડિયાદવાલાએ અક્ષય કુમારને હેરા ફેરી 3 ફિલ્મ માટે વાત કરી હતી. પરંતુ અક્ષય બે શરતો રાખી હતી. અક્ષય કુમારની પહેલી શરત ફિલ્મ 'ડ્રીમ ગર્લ' ના નિર્દેશક રાજ શાંડિલ્યા આ ફિલ્મનું નિર્દેશન કરે કારણ કે તેના મુજબ રાજને કોમેડી ફિલ્મો ડિરેક્ટ કરવાની સારી રીત આવડે છે. આ સિવાય બીજી શરત એ હતી કે અક્ષયને ફિલ્મમાં 70 ટકા પ્રોફીટ જોઈતું હતું. જોકે, ફિરોઝ નડિયાદવાલાએ બીજી શરત માનવાનો ઈન્કાર કરી દીધો હતો. એટલું જ નહીં રાજ શાંડિલ્યાએ પણ આ ફિલ્મ ડિરેક્ટ કરવાનો ઈન્કાર કરી દીધો હતો કારણ કે હેરા ફેરી આઈકોનિક ફિલ્મ હતી અને તેઓ આ ફિલ્મ સાથે ન્યાય ન કરી શકતા.
બે વર્ષ પહેલાં પણ આ પ્રોજેક્ટને ફરીથી શરૂ કરવાની વાત થઈ હતી. એ વખતે ઈન્દ્ર કુમાર દ્વારા આ પ્રોજેક્ટ લેવાની વાત ચાલી રહી હતી. પણ પછી આ પ્રોજેક્ટ શરૂ ન થયો. મીડિયા રિપોર્ટ મુજબ રાજ શાંડિલ્યાએ આ વાત કબૂલી હતી કે તેમમની પાસે હેરા ફેરી 3ની ઓફર આવી હતી. પરંતુ આ ફિલ્મની ડેટ્સ તેમની બીજી ફિલ્મની ડેટ્સ સાથે ક્લેશ થઈ રહી હતી.
એક ફિલ્મ ટ્રેડ એનાલિસ્ટનું માનવું છે કે, જો હેરા ફેરાને તેની ઓરિજિનલ કાસ્ટ સાથે રિલીઝ કરવામાં આવે અને દિવાળી અથવા ઈદ પર રિલીઝ થાય તો ફિલ્મ પહેલાં જ દિવસે 40થી 50 કરોડ રૂપિયાની કમાણી કરી શકે છે.