બિગ બૉસથી ફેમસ થયેલી એક્ટ્રેસ સના ખાને કોરિયોગ્રાફર મેલ્વિન લુઇસ સાથે બ્રેકઅપ કરી લીધા પછી તેના વિશે અમુક ચોંકાવનારી વાતો કરી છે. આ વાતની જાણકારી સનાએ પોતાના ઑફિશ્યલ સોશ્યલ મીડિયા ઇન્સ્ટાગ્રામ પર આપી છે.
બ્રેકઅપ માટે સનાએ મેલ્વિનને જવાબદાર ગણાવતા કહ્યુ કે, તે તેને ચીટ કરી રહ્યો હતો. સનાએ ઇન્સ્ટાગ્રામ પર લાઈવ વીડિયોમાં કહ્યું હતું કે કઈ રીતે મેલ્વિન તેના પર બંધન લાદતો હતો અને તેને ચીટ કરતો હતો. તેના ઘણી છોકરીઓ સાથે સંબંધ હતા. લાઈવ વીડિયોમાં જ તે ઘણી ભાવુક થઇ ગઈ અને લાઈવ પૂરું કરી દીધું હતું.
પોતાના વિદ્યાર્થીઓ પાસેથી પૈસા લેતો હતો:
લાઈવ વીડિયો પૂરો કર્યા બાદ સનાએ એક ઇન્સ્ટા સ્ટોરી શેર કરી લખ્યું હતું કે, આ જાણીને આઘાત થયો કે તેણે એક નાની છોકરીને ગર્ભવતિ પણ કરી હતી. છોકરીઓ પાસેથી પૈસા લેતો અને પોતાના વિધાર્થીઓ સાથે ફ્લર્ટ કરતો હતો. એક ટીચર આવો હોય? કેરેક્ટરલેસ લોકો.
આ સિવાય સનાએ કહ્યુ કે, ''મારી મમ્મી જ્યારે તેણે પહેલીવખત મળી ત્યારે તેણે કહ્યુ કે, આ છોકરો એક નંબરનો ચીટર છે અને દગો આપશે. મારા આખા પરિવારને ખબર હતી કે તે દગાબાજ નીકળશે, તેમ છતાં હું તેમના વિરુદ્ઘ ગઇ હતી. તે મને બીજા કોઇ સાથે જોઇ શકતો ન હતો, જેના કારણે મારે ઘણા પ્રોજેક્ટ્સ છોડવા પડ્યા હતા.. તે હંમેશા મારા પર નજર રાખતો હતો. હું કોની સાથે વાત કરું છું, કોને મળું છુ આ તમામ વાતોની જાણકારી રાખતો હતો. મને કોઇને મળવા માટે એકલી જવા દેતો ન હત, અમારી રિલેશનશિપ ખૂબ જ ખરાબ હતી.''
સના અને મેલ્વિન 2018માં રિલેશનમાં આવ્યાં હતાં. સનાએ બ્રેકઅપ વખતે કહ્યું હતું કે, ‘મેં મેલ્વિન સાથે સંબંધ પૂરો કરી દીધો છે કારણકે તે મને છેતરતો હતો. મેં તેને દિલથી પ્રેમ કર્યો અને તેના સાથે કમિટેડ હતી. અને મને શું મળ્યું રિટર્નમાં... હું ડિસ્ટર્બ થઇ ગઈ છું. મને એન્ઝાઇટિ ઇસ્યુ થવા લાગ્યા છે અને હું ડિપ્રેશનમાં જતી રહી છું.તે મને મૂકીને ઓલરેડી બીજા સાથે રિલેશનમાં આવી ગયો છે.’
સના ‘બિગ બોસ 6’માં દેખાઈ હતી. ઉપરાંત તેણે સલમાન સાથે ‘જય હો’ ફિલ્મમાં કામ કર્યું હતું. આ સિવાય તે ‘વજહ તુમ હો’ ફિલ્મમાં પણ દેખાઈ હતી.