ઇતિહાસ / પ્રથમ શ્રેણીની મેચમાં ત્રેવડી સદી ફટકારનારો દુનિયાનો પ્રથમ બેટર બની ગયો આ ખેલાડી

• સકિબુલ ગનીએ ડેબ્યુ રણજી મેચમાં ઈતિહાસ રચ્યો
• પ્રથમ શ્રેણીની મેચમાં ત્રેવડી સદી ફટકારનારો વિશ્વનો પ્રથમ બેટર બન્યો
• હવે ૫૩ વર્ષ સુધી જળવાઈ રહેલા એક રેકોર્ડને તોડવાનો પડકાર

200થી વધુ સ્કોર નોંધાવનારો સકિબુલ 10મો બેટર બન્યો 

હકીકતમાં ભારત તરફથી પ્રથમ શ્રેણીમાં ૨૦૦થી વધુ રનનો સ્કોર નોંધાવનારા સકિબુલ ૧૦મો બેટર બન્યો છે. તેની પહેલાં નવ ખેલાડીઓએ ૨૦૦થી વધુ રન તો બનાવ્યા હતા, પરંતુ કોઈએ પણ ત્રેવડી સદી ફટકારી નહોતી. આશ્ચર્યની વાત એ છે કે અગાઉના નવ ખેલાડીઓમાંથી ફક્ત એક જ આંતરરાષ્ટ્રીય ક્રિકેટમાં ભારત તરફથી રમવાની તક મળી શકી છે. એ એકમાત્ર ખેલાડીનું નામ છે ગુંડપ્પા વિશ્વનાથ, જેણે ૧૯૬૯માં ભારત તરફથી પ્રથમ ટેસ્ટ મેચ રમી હતી.

 

 

 

 

View this post on Instagram

 

 

 

 

 

 

 

 

 

 

 

A post shared by SAKIBUL GANI (@sakibulsaki)

વિશ્વનાથ ભારતના મહાન બેટ્સમેનોમાંનો એક 

ગુંડપ્પ વિશ્વનાથે મૈસુર તરફથી રમતા નવેમ્બર-૧૯૬૭માં આંધ્ર પ્રદેશ વિરુદ્ધ ૨૩૦ રન બનાવ્યા હતા. પ્રથમ શ્રેણીમાં ૧૮ હજાર જેટલા રન બનાવનારા વિશ્વનાથ ભારતના મહાન બેટ્સમેનોમાંનો એક છે. તેણે ૯૧ ટેસ્ટમાં ૬૦૮૦ રન બનાવ્યા છે. આ દરમિયાન તેણે ૧૪ સદી ફટકારી છે. વિશ્વનાથ ઉપરાંત મણિપુરના મયંક રાઘવ, પંજાબના જીવનજોતસિંહ, મધ્ય પ્રદેશના અંશુમન પાંડે, પંજાબના અભિષેક ગુપ્તા, મધ્ય પ્રદેશના અજયરોહેરા, ચંડીગઢના અર્સલાન ખાન, મુંબઈના અમોલ મજૂમદાર અને ગુજરાતના મનપ્રીત જૂનેજાએ ડેબ્યૂ મેચમાં ૨૦૦થી વધુ રનની ઇનિંગ્સ રમી હતી, પરંતુ તેઓ ક્યારેય ભારત તરફથી આંતરરાષ્ટ્રીય ક્રિકેટ રમી શક્યા નથી.

સકિબુલ ગનીએ રણજી ટ્રોફીના પ્લેટ ગ્રૂપમાં 341 રન બનાવ્યાં

સકિબુલ ગનીએ મિઝોરન સામે રણજી ટ્રોફીના પ્લેટ ગ્રૂપમાં ૩૪૧ રન બનાવ્યા. તેણે ૪૦૫ બોલનો સામનો કરી ૫૬ ચોગ્ગા અને બે છગ્ગા ફટકાર્યા. આ દરમિયાન તેનો સ્ટ્રાઇક રેટ ૮૪.૨૦નો રહ્યો. સકિબુલની ઇનિંગ્સને જોવામાં આવે તો તેણે દરેક સાતમા બોલ પર બાઉન્ડ્રી ફટકારી છે. ૩૪૧માંથી ૨૩૬ રન તો તેણે માત્ર ચોગ્ગા-છગ્ગા દ્વારા જ બનાવ્યા હતા.