HDFC Bank ના આધારે ગયા વર્ષે લોકડાઉનના સમયે પણ બેંકની તરફથી 50 થી વધારે શહેરોમાં સફળતાપૂર્વક Mobile ATM Van ની વ્યવસ્થા કરાઈ હતી. આ સુવિધાથી લાખો ગ્રાહકોને મદદ મળી હતી.
HDFC Bankએ શરૂ કરી Mobile ATM ની વ્યવસ્થા
19 શહેરોમાં મળશે આ ખાસ સુવિધા
Cash કાઢવા સાથે મળશે 16 સુવિધાઓ પણ
કોરોના મહામારીને લઈને દેશના અનેક રાજ્યોમાં લોકડાઉન, નાઈટ કર્ફ્યૂ, વીકેન્ડ લોકડાઉન જેવી પાબંધીઓ લગાવાઈ છે. એવામાં જરૂરી કામ માટે લોકોને બહાર નીકળવાની પરમિશન અપાઈ છે. જો તમારી પાસે કેશ ન હોય તો તમને મુશ્કેલી આવી શકે છે. આ સ્થિતિને ધ્યાનમાં રાખીને એચડીએફસી બેંકે દેશના પ્રમુખ શહેરોમાં મોબાઈલ એટીએમની વ્યવસ્થા શરૂ કરી છે. જેનાથી તમારે કેશ કાઢવા એટીએમ જવાનું રહેશે નહીં પણ એટીએમ તમારી પાસે આવશે.
બેંકે ટ્વિટર પર આપી છે જાણકારી
PTI ના રિપોર્ટ અનુસાર દેશના અનેક શહેરોમાં પાબંધીની વચ્ચે HDFC Bank આ સુવિધા આપી રહ્યું છે. ગ્રાહકોની મદદ માટે HDFC Bankએ Mobile ATM Service શરૂ કરી છે. તેની જાણકારી બેંકે ઓફિશિયલ ટ્વિટર એકાઉન્ટ પર આપી છે. તેની મદદથી લોકો ઙરની પાસે પહોંચેલી મોબાઈલ એટીએમ વેનની મદદથી રૂપિયા કાઢી શકશે. ઘરે બેઠા તમને આ સુવિધા મળી જશે.
મોબાઈલ એટીએમ કરશે આ રીતે કામ
મળતી માહિતી અનુસાર મોબાઈલ એટીએમ શહેરના અલગ અલગ ભાગમાં જશે. એક દિવસમાં 3-4 સ્ટોપ કવર કરશે. મળતી માહિતી અનુસાર ગયા વર્ષે લોકડાઉનમાં પણ બેંકની તરફથી 50થી વધારે મોટા શહેરોમાં આ મોબાઈલ એટીએમ તૈયાર કરાયા હતા. આ સુવિધાથી લાખો ગ્રાહકોને મદદ મળી હતી.
મોબાઈલ બેેંકથી મળશે ગ્રાહકોને આ સુવિધાઓ
HDFC Bankના Mobile ATM Service ની મદદથી ગ્રાહકને કેશ કાઢવી, એટીએમ પિન નંબર બદલવો, પ્રીપેડ મોબાઈલના રિચાર્જ કરવા, લાઈટ બિલનું પેમેન્ટ કરવું સહિતની 16 સેવાનો લાભ મળી જશે. એક રિપોર્ટ અુસાર એચડીએફસી બેંકે આશા રાખી છે કે તેમના આ મોબાઈલ એટીએમથી તેઓ ખાસ એ લોકોને સુવિધા આપી શકશે કે જેઓ કોરોના સંક્રમણના કારણે ઘરની બહાર જતા નથી.
19 શહેરોમાં લાગૂ કરાઈ છે આ મોબાઈલ એટીએમ સુવિધા
દિલ્હી, મુંબઈ, પુણે, ચેન્નઈ, અલાહાબાદ, સલેમ, દહેરાદૂન, લખનઉ, લુધિયાણા, ચંડીગઢ, ત્રિવેન્દ્રમ, કટક, અમદાવાદ, ભૂવનેશ્વર, હોસૂર, ત્રિચિ, હૈદરાબાદ, વિજયવાડા અને કોઈમ્બતૂર. કોરોનાની બીજી લહેરની વચ્ચે દેશના અનેક શહેરોમાં લગાવાયેલી પાબંધીઓની સાથે મોબાઈલ એટીએમ સેવાથી લોકોનો મોટી રાહત મળશે.