કોરોના સંકટની વચ્ચે દુનિયાભરમાં રોજગાર પર સંકટના વાદળ ઘેરાયા છે ત્યારે હિન્દુસ્તાન કમ્યૂટર લિમિટેડે (HCL) બિરદાવવા લાયક કામ કર્યું છે. કંપનીએ કર્મચારીઓના હિતમાં મોટો નિર્ણય લીધો છે. કંપનીએ નક્કી કર્યું છે કે તેઓ તમામ કર્મચારીઓને કોરોના સંકટમાં પણ સંપૂર્ણ સેલેરી આપશે અને સાથે જ કોઈના બોનસ પર બ્રેક નહીં લગાવવામાં આવે.
HCL કંપનીએ કર્મચારીઓ માટે લીધો મોટો નિર્ણય
કોરોના સંકટમાં પણ કંપની કરી રહી છે નવી રિક્રુરમેન્ટ
કર્મચારીઓને ગયા વર્ષનું બોનસ આપવાની પણ કરી જાહેરાત
HCLના કર્મચારીઓ થયા ખુશ
આ સિવાય કંપનીએ તેના કર્મચારીઓને ગયા વર્ષે બોનસ આપવાનું પણ નક્કી કર્યું છે. જોકે કંપનીએ એ પણ સ્પષ્ટ કર્યું હતું કે કોરોનાને કારણે વ્યવસાય અને આવક પર અસર થઈ છે, તેમ છતાં કંપની કોઈપણ કર્મચારીઓને કામથી કાઢશે નહીં. એટલું જ નહીં, કંપનીએ પહેલાંથી કહ્યું છે કે નાણાકીય વર્ષ 2015 ની યોજના મુજબ આ વર્ષે 15,000 ફ્રેશર્સને નોકરી મળશે. જો કે, આ કાર્યમાં થોડો વધુ સમય લાગી શકે છે.
કોરોનાના કારણે કંપનીના કારોબાર પર થઈ અસર
મળતી માહિતી અનુસાર હાલમાં કંપનીના પ્રોજેક્ટ્સ રદ કરવામાં આવ્યા નથી. હજી પણ કંપનીને આશરે 5000 લોકોની જરૂર છે, જેના માટે રિક્રુરમેન્ટ ચાલી રહી છે. જોકે, તેમણે કહ્યું હતું કે કોરોના સંકટને કારણે પરિવહન અને ઉત્પાદન પર અસર પડી રહી છે. ગ્રાહકો માટે પણ આ મુશ્કેલ સમય છે.
નોંધપાત્ર વાત એ છે કે HCL દેશની ત્રીજી સૌથી મોટી સોફ્ટવેર કંપની છે. કંપનીનું કહેવું છે કે 2008 ની મંદી દરમિયાન કોઈપણ કર્મચારીના પગારમાં કાપ મૂકાયો ન હતો અને હવે તે કરવામાં આવશે નહીં. બોનસ અંગે કંપની માને છે કે તે 12 મહિનાના કાર્યનું પરિણામ છે, તે ન આપવું તે ખોટો નિર્ણય હશે.