મોટો ચુકાદો / 'અધૂરા મહિને જન્મેલા બાળકો પણ મેડિક્લેમ મેળવવા હકદાર', HCનો મહત્વનો ઓર્ડર, જાણો શું બન્યું હતું

• મુંબઈની મહિલાએ લીધો હતો જન્મજાત બાળકોનો વીમો
• બાળકો અધૂરા મહિને જન્મતાં વીમા કંપનીએ વીમો આપવાનો કર્યો ઈન્કાર
• વીમા કંપની સામે બોમ્બે હાઈકોર્ટમાં ગઈ મહિલા
• હાઈકોર્ટે વીમા કંપનીને ફટકાર લગાવીને કર્યો ઓર્ડર
• 16 લાખનું વળતર તાત્કાલિક ચુકવો 

બોમ્બે હાઈકોર્ટ એક મહિલાની મદદે આવી છે. અધૂરા મહિને જન્મેલા બાળકોને વીમો ન આપનાર વીમા કંપની ન્યૂ ઇન્ડિયા ઈન્સોરન્સને આકરી ફટકાર લગાવતાં કોર્ટે  મહિલાને 16 લાખનું વળતર ચુકવી આપવાનો આદેશ આપ્યો છે. વીમા કંપનીએ પૂરા અને અધૂરા મહિને જન્મેલા બાળકો વચ્ચે ફર્ક પાડ્યો હતો. કોર્ટે કહ્યું કે નવજાત ઈ નવજાત કહેવાય તેમની વચ્ચે અધૂરા અને પૂરા મહિને જન્મેલા એવો ભેદભાવ ન થઈ શકે. કોર્ટે નોંધ્યું હતું કે વીમા કંપનીનો અભિગમ "ગેરવાજબી, અન્યાયી અને વીમા પોલિસીની મૂળભૂત અત્યંત સદ્ભાવના નૈતિકતાથી વિપરીત છે.

Bombay HC says a newborn would mean both a full-term and a pre-term baby, directs insurance company to pay Rs 11 lakh to Mumbai woman for medical expenses incurred during treatment of her twin babies born premature

— Press Trust of India (@PTI_News) March 1, 2023

શું બની હતી ઘટના 
લીગલ પ્રેક્ટિશનર મહિલાએ 2007માં 20 લાખ રૂપિયાની પોલિસી લીધી હતી અને 2018માં અધૂરા મહિને જોડિયાને જન્મ આપ્યો હતો પરંતુ બન્નેમાં હલનચલન ઓછું હોવાથી તેને નિયોનેટલ ઇન્ટેન્સિવ કેર યુનિટમાં સારવાર માટે દાખલ કર્યાં હતા.  બાળકોને સારુ થયા બાદ મહિલાએ વીમા કંપની પાસે 11 લાખનું બીલ મૂકીને વીમાની રકમ માગી હતી. જોક મહિલાના આઘાત વચ્ચે વીમા કંપનીએ એવું કહીને તેમને 11 લાખ આપવાનો ઈન્કાર કરી દીધો કે આ બાળકો પૂરા મહિને જન્મ્યા નથી, અને અધૂરા મહિને જન્મેલા બાળકોનો વીમો ન મળી શકે. વીમા કંપનીના ઈન્કાર બાદ મહિલા બોમ્બે હાઈકોર્ટમાં પહોંચી હતી અને જેની પર આજે સુનાવણી ચાલી હતી. મહિલાએ તેની અરજીમાં એવો દાવો કર્યો કે  દાવાના અસ્વીકારનો વીમા કંપનીનો નિર્ણય મનસ્વી અને વીમા નિયમનકારી અને વિકાસ ઓથોરિટી ઓફ ઇન્ડિયા (આઇઆરડીએઆઈ) ની માર્ગદર્શિકાની વિરુદ્ધ છે. નવજાત અને પ્રીમેચ્યોર બાળકો વચ્ચે કોઈ ભેદભાવ ન થઈ શકે. વીમા કંપનીએ આ અરજીનો વિરોધ કર્યો હતો અને કહ્યું હતું કે અરજદારના જોડિયા બાળકો અધૂરા મહિને જન્મ્યા હોવાથી તેમનામાં ખોડખાંપણ આવી છે જે પૂરા મહિને જન્મયા હોત તો તંદુરસ્ત પેદા થાત.

11 લાખ આપવાના થતા હતા હવે આપવા પડશે 16 લાખ 
હાઈકોર્ટે વીમા કંપનીના દાવાના અસ્વીકારના નિર્ણયને ફગાવી દઈને  મહિલાને તાત્કાલિક 16 લાખનું વળતર ચુકવી આપવાનો આદેશ આપ્યો છે. મહિલાએ તો તેના હકના વીમાના 11 લાખ માગ્યા હતા અને વીમા કંપનીને એટલા આપવાના પણ કઠતાં હતા પરંતુ હવે હાઈકોર્ટના આદેશ બાદ  16 લાખ આપવા પડશે ન આપે તો હાઈકોર્ટ દંડ સાથે બીજી પણ કાર્યવાહી કરી શકે છે.