HCનો નિર્ણય / રિયા આજે જેલમાંથી બહાર આવશે કે સળિયા બનશે કાયમી સરનામુ?

• રિયાએ કરી હાઇકોર્ટમાં અરજી
• શોવિક અને મિરાન્ડા માટે પણ નિર્ણય
• સુશાંત કેસમાં આવ્યા મોટા વળાંકો

રિયાની જામીનની અરજી પર મુંબઇ હાઇકોર્ટ આજે નિર્ણય આપી શકે છે. રિયે લોઅર કોર્ટમાં જામીન માટે બે વાર અરજી કરી હતી પરંતુ બંને વાર તેની અરજીને ફગાવી દેવામાં આવી હતી. બાદમાં તેણે હાઇ કોર્ટમાં અરજી કરી હતી.

રિયાની 8 સપ્ટેમ્બરના રોજ ધરપકડ કરવામાં આવી હતી. તેની સાથે ભાઇ શોવિક અને સુશાંતના હાઉસ મેનેજર સેમ્યુઅલ મિરાન્ડાની પણ ધરપકડ કરવામાં આવી હતી. રિયા, શોવિક અને સેમ્યુઅલ મિરાન્ડાની જામિન પર આજે હાઇકોર્ટ નિર્ણય સંભળાવી શકે તેમ છે.

NCBએ રિયા અને શોવિકની જામિનનો વિરોધ કર્યો છે. તપાસ એજન્સીએ કોર્ટમાં આપેલા એફિડેવીટમાં કહ્યું છે કે રિયા અને શોવિક ડ્રગ્સ સિંડિકેટના એક્ટિવ મેમ્બર્સ છે. બંને હાઇ સોસાયટી લોકો અને ડ્રગ્સ સપ્લાયર્સ સાથે જોડાયેલા છે. આ લોકો પર કલમ 27એ લગાવવામાં આવી છે, માટે તેમને જામિન ન મળવી જોઇએ. NCBએ કહ્યું કે રિયાએ ડ્રગ્સ ખરીદવાની વાત કબૂલી છે. તેણે કબૂલ્યુ કે ડ્રગ્સ ખરીદવા માટે સેમ્યુઅલ મિરાન્ડા, દિપેશ સાવંત અને શોવિકને કહ્યું હતુ.

સુશાંત સિંહ રાજપુતે 14 જુનના રોજ તેના બાન્દ્રા સ્થિત ઘરમાં કથિત રીતે ગળેફાંસો ખાઇ લીધો હતો, બાદમાં ઘણા લોકોની પૂછપરછ થઇ અને તણાવ, નેપોટીઝમ જેવા કારણો બહાર આવ્યા. જે બાદ વધુ તપાસ થઇ અને સમગ્ર મામલામાં ડ્રગ્સનો કિસ્સો ખુલ્યો અને હાલ રિયા તથા ઘણા લોકો જેલમાં છે.