બ્રેકિંગ ન્યુઝ
VTV / HC allows custody of 16-yr-old Muslim girl to husband
Last Updated: 04:30 PM, 29 October 2022
ADVERTISEMENT
પંજાબ અને હરિયાણા હાઈકોર્ટે 15 વર્ષની મુસ્લિમ છોકરીને તેની પસંદગીના પાત્ર સાથે લગ્ન કરવાની છૂટ આપી છે. 16 વર્ષની છોકરીને તેના પતિને સોંપવાનો આદેશ કરતા હાઈકોર્ટે એવો ચુકાદો જાહેર કર્યો કે 15 વર્ષથી વધુ ઉંમરની મુસ્લિમ છોકરી તેની પસંદગીની કોઈપણ વ્યક્તિ સાથે લગ્ન કરી શકે છે અને તેના લગ્નને માન્ય ગણવામાં આવશે. જસ્ટિસ વિકાસ બહલની ડિવિઝન બેન્ચે કહ્યું કે મુસ્લિમ પર્સનલ લૉ હેઠળ છોકરીની જાતીય પરિપક્વતા સુધી પહોંચવાની અથવા પોતાની જાત સાથે લગ્ન કરવાની ઉંમર 15 વર્ષ છે. કોર્ટે જાવેદ (26) દ્વારા દાખલ કરાયેલી હેબિયસ કોર્પસ અરજી પર સુનાવણી કરી હતી જેમાં તેની 16 વર્ષીય પત્નીને તેની સાથે રહેવાની મંજૂરી આપવાનું જણાવાયું હતું. કોર્ટે જાવેદની અરજી સ્વીકારી લેતા આવો આદેશ આપ્યો હતો અને 16 વર્ષની પત્નીને પતિ સાથે રહેવા જવાનું જણાવ્યું હતું.
છોકરીના મરજીથી થયેલા લગ્નને ગેરકાયદેસર ન ગણી શકાય
હાઈકોર્ટે કહ્યું કે આવી સ્થિતિમાં બાળ લગ્ન કાયદા હેઠળ આવા લગ્ન પર પ્રતિબંધ મૂકી શકાય નહીં. જો 16 વર્ષની મુસ્લિમ યુવતીએ પોતાની મરજીથી લગ્ન કર્યા હોય તો તેને ગેરકાયદેસર ગણી શકાય નહીં. આવી સ્થિતિમાં યુવતીની કસ્ટડી તેના પતિને આપવી જોઈએ. અરજદારે એવી રજૂઆત કરી હતી કે તેમના લગ્ન સમયે તેમની પત્નીની ઉંમર 16 વર્ષથી વધુ હતી અને લગ્ન તેમની પોતાની મરજીથી અને કોઈપણ દબાણ વગર થયા હતા.
ADVERTISEMENT
અરજદારે પત્ની સાથે રહેવાની પરવાનગી માંગી હતી.
અરજદારે તેના વકીલ દ્વારા રજૂઆત કરી હતી કે બંને મુસ્લિમ છે અને તેઓએ 27 જુલાઈના રોજ અહીં મણિ મજરા સ્થિત મસ્જિદમાં લગ્ન કર્યા હતા. યુનુસ ખાન વિરુદ્ધ હરિયાણા રાજ્યમાં હાઈકોર્ટની કોઓર્ડિનેશન બેંચના ચુકાદા પર આધાર રાખીને, અરજદારના વકીલે દલીલ કરી હતી કે છોકરીને અરજદાર સાથે રહેવાની મંજૂરી આપવી જોઈએ. જોકે, સરકારી વકીલે અરજીનો વિરોધ કર્યો હતો અને કહ્યું હતું કે સગીરાને તેના પતિને ન સોંપી શકાય પરંતુ હાઈકોર્ટે સરકારી વકીલને અરજી ફગાવી દીધી હતી અને પત્નીને પતિને સોંપી દીધી હતી.
સંકળાયેલા મુદ્દાઓ
વધુ વાંચો
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.