Cervical cancer / એકથી વધારે પુરુષો સાથે શારીરિક સંબંધ બનવવાથી થઈ શકે છે કેન્સર, ભારતે શોધી કાઢ્યો સ્વદેશી ઈલાજ

• મહિલાઓમાં સર્વાઇકલ કેન્સર ખૂબ જ ઝડપથી વધી રહ્યું છે
• આ કેન્સર મહિલાને ગર્ભાશયમાં થાય છે
• સર્વાઇકલ કેન્સરના લક્ષણો અને બચવાની રીત 

મહિલાઓમાં સર્વાઇકલ કેન્સર ખૂબ જ ઝડપથી વધી રહ્યું છે. આ કેન્સર સ્ત્રીઓમાં જોવા મળતા કેન્સરનો બીજો સૌથી સામાન્ય પ્રકાર છે. આ કેન્સરને ગર્ભાશયના મુખનું કેન્સર પણ કહેવામાં આવે છે. જણાવી દઈએ કે આ કેન્સરને કારણે મહિલાઓનો મૃત્યુદર પણ ઘણો ઊંચો છે. આંકડા મુજબ 8 મિનિટમાં વિશ્વમાં એક મહિલાને સર્વાઇકલ કેન્સરની ગંભીર સ્થિતિ અથવા મૃત્યુ થાય છે. 

આ કેન્સર મહિલાને ગર્ભાશયમાં થાય છે. સર્વાઇકલ કેન્સર સ્ત્રીઓના સર્વિક્સમાં એટલે કે ગર્ભાશયના મુખના ભાગમાં થાય છે. સર્વાઇકલ કેન્સર સામાન્ય રીતે હ્યુમન પેપિલોમા વાયરસથી ફેલાય છે. સંભોગ સમયે આ કેન્સરનો વાયરસ પુરુષમાંથી મહિલાના ગર્ભાશયમાં પ્રવેશે છે. ઘણા કિસ્સામાં આ વાયરસ અસર બતાવતો નથી પણ અમુક કેસમાં તે કેન્સરનું કારણ બને છે. 

સર્વાઇકલ કેન્સરના લક્ષણો:
અસામાન્ય રીતે યોનિમાર્ગ દ્વારા રક્તસ્રાવ થવો 
પીરિયડ્સ સિવાય પણ રક્તસ્રાવ થવો 
સંભોગ દરમિયાન દુખાવો અને પછી રક્તસ્રાવ

સર્વાઇકલ કેન્સરથી બચવાની રીત 
સુરક્ષિત સેક્સ કરવું -
અસુરક્ષિત સેક્સ સર્વાઇકલ કેન્સરનું જોખમ વધારે છે. તેથી, અસુરક્ષિત સેક્સ ટાળો. કોન્ડોમ વિના સંભોગ તમારા સર્વાઇકલ કેન્સરનું જોખમ વધારશે.

નિયમિત પેપ સ્મીયર ટેસ્ટ કરાવો:
કેન્સરના લક્ષણોને યોગ્ય સમયે ઓળખવાથી તેની સમયસર સારવાર કરવામાં મદદ મળશે. તેથી જ દર 2-3 વર્ષે એકવાર પેપ સ્મીયર ટેસ્ટ કરાવો જોઈએ. 

સ્મોકીંગ ન કરવું જોઈએ 
ધૂમ્રપાન કેન્સરના લક્ષણો અને સ્થિતિને વધુ ખરાબ કરે છે. એટલા માટે જ  સ્મોકીંગને પણ કેન્સરનું લક્ષણ માનવામાં આવે છે.

વેક્સિન 
ગુરુવાર 1 સપ્ટેમ્બરના રોજ સર્વાઈકલ કેન્સર માટે ભારત દેશની પ્રથમ સ્વનિર્મિત વૈક્સિન લોન્ચ થઈ છે. આરોગ્ય નિષ્ણાતો ના જણાવ્યા મુજબ વૈક્સિન આ ગંભીર રોગના નિવારણમાં મહત્વપૂર્ણ ભૂમિકા ભજવી શકે છે.