સુરતમાં એકજ રાતમાં 8 ઈંચ જેટલો વરસાદ પડ્યો. જેના કારણે નીચાણવાળા વિસ્તારોમાં લોકોના ઘરમાં પાણી ઘૂસી ગયા. પરિસ્થિતિ એટલી વણસી ગઈ કે 15 પરિવારોનું તો રેસ્કયૂં કરવામાં આવ્યું
સુરતમાં મેઘરાજાની ધબધબાટી
એકજ રાતમાં 8 ઈંચ વરસાદ
ભારે વરસાદને કારણે લોકોના ઘરમાં ઘુસ્યા પાણી
સુરત શહેર તેમજ ગ્રામ્ય વિસ્તારોમાં ગત મોડી રાતે મેઘરાજાનું આગમ થયું. ધોધમાર વરસાદને કારણે ઘણા બધા વિસ્તારોમાં પાણી ભરાઈ ગયા હતા. જેમા ખાસ કરીને ઓલપાડના કૂડસદ ગામમાં સૌથી વધારે પાણી ભરાઈ ગયા હતા. જેના કારણે ત્યાના લોકોને ભારે હાલાંકીનો સામનો કરવો પડ્યો હતો.
લોકોના ઘરમાં પાણી ઘૂસ્યા
ભારે વરસાદને કારણે લોકોના ઘરમાં વરસાદી પાણી ઘૂસી ગયા હતા તેટલો ધોધમાર વરસાદ પડ્યો હતો. નવપરા કોલોની અને હળપતિ વાસ સહિતના વિસ્તારોમાં વરસાદને કારણે પાણી ભરાઈ ગયા. જેના કારણે જળબંબાકાર જેવી સ્થિતી સર્જાઈ હતી. જેમા ખાસ કરીને લોકોના ઘરમાં પાણી ઘૂસી ગયા જેથી તેઓ હેરાન થયા હતા.
મહુવા તાલુકાની નદીઓમાં ભરાયા પાણી
વરસાદને લઈને હવામાન વિભાગ દ્વારા પહેલાથી આગાહી કરવામાં આવી હતી. જેમા દક્ષિણ ગુજરાતમાં ગાજવીજ સાથે વરસાદ પડતા સુરત શેહર તેમજ ગ્રામ્ય વિસ્તારોમાં પાણી ભરાઈ ગયા . ખાસ કરીને નીચાણ વાળા વિસ્તારોમાં પાણી ભરાયા. જેમા બારડોલી, કામરેજ, પલસાણા તેમજ મહુવા તાલુકામાંતો નદીઓમાં પાણીની ભરપૂર આવક જોવા મળી.
15 પરિવારોનું રેસ્કયું
ભારે વરસાદને કારણે સુરતના મેયર હેમાલી બોધાવાલાએ રાતે વિવિધ વિસ્તારોની મુલાકાત લીધી તેમજ તેમણે અધિકારીઓને રાહત કાર્યો માટેની સૂચના આપી હતી. ભારે વરસાદને કારણે અનેક સ્થળોએ વિજપોલ અને વૃક્ષો ધરાશાયી થયા હતા. સાથેજ તંત્ર દ્વારા 15 જેટલા પરિવારોનું રેસ્ક્યું પણ કરવામાં આવ્યું હતું.
ભારે વરસાદને કારણે ખાડી ઓવરફ્લો
ઉલ્લેખનીય છે કે એકજ રાતમાં સુરતમાં 8 ઈંચ વરસાદ પડ્યો જેના કારણે જનજીવનને ભારે અસર થઈ હતી. બીજી તરફ ભારે વરસાદને કારણે શહેરના સીમાડે આવેલી ખાડી પણ ઓવરફ્લો થઈ ગઈ હતી. જેના કારણે ગોડાદર વિસ્તારમાં રસ્તાઓ પર પાણી ફરી વળ્યા, જેમા ઘૂંટણ સમા પાણી ભરાઈ જવાથી ત્યા ટ્રાફિક જામ થઈ ગયો હતો.