જો કોઇની પાસે બે પાન કાર્ડ મળે છે તો એની વિરુદ્ધ કડક કાર્યવાહી થઇ શકે છે. જો કે કેટલાક લોકોને એવી તો જાણ છે કે પાન નંબર એકથી વધારે હોઇ શકે નહીં પરંતુ એમને એ નથી ખબર કે વધારાના પાનને સરેન્ડર કેવી રીતે કરે. કોઇ પણ કાનૂની કાર્યવાહીમાં ફસાવવા કરતા સારું છે જલ્દીથી જલ્દી વધારાના પાનને સરેન્ડર કરો.
17 કરોડ લોકોએ પાન આધાર લિંક કરાવ્યા નથી
એકથી વધુ પાન કાર્ડ હશે તેઓની સામે થશે કડક કાર્યવાહી
ઇન્કમ ટેક્સ એક્ટ 1961 અંતર્ગત 10 હજારનો દંડ લાગી શકે છે
પાન કાર્ડને આધાર સાથે લિંક કરાવવાની તારીખ નજીક આવી રહી છે. ઇન્કમ ટેક્સ ડિપાર્ટમેન્ટ તરફથી વારંવાર પાન આધાર કાર્ડ લિક કરવાની ડેડલાઇન પણ વધાર્યા બાદ પણ 17 કરોડ એવા લોકો છે, જેને અત્યાર સુધી પાન આધાર લિંક કરાવ્યા નથી. તમને જણાવી દઇએ કે PAN યૂનિક નંબર હોય છે અને બે લોકો અથવા બે કંપનીઓના પાન એક સમાન હોઇ શકે નહીં.
એ વાત પણ બધા લોકો જાણે છે કે એક જ વ્યક્તિ કે કંપનીના નામે એકથી વધારે પાન નંબર ન હોઈ શકે. જો આવું હોય તો તેની સામે કડક કાયદાકીય કાર્યવાહી થાય છે. જોકે, અમુક લોકોને એકથી વધારે પાન કાર્ડ હોય તો તેને સરેન્ડર કેવી રીતે કરવું તેની જાણકારી નથી હોતી. આથી કોઈ કાયદાકીય કાર્યવાહીમાં ફસાયા પહેલા એકથી વધારે પાન કાર્ડ સરેન્ડર કરી દેવું હિતાવહ છે. આ લેખમાં અમે આ અંગેની જાણકારી આપી રહ્યા છીએ.
થઇ શકે છે 10 હજારનો દંડ
જો કોઈ પાસે એકથી વધારે પાન કાર્ડ હોય તો ઇન્કમ ટેક્સ એક્ટ 1961 અંતર્ગત 10 હજારનો દંડ લાગી શકે છે.
આવા સમયે શું કરવું જોઇએ
ટેક્સ એક્સપર્ટ જણાવે છે કે એકથી વધારે પાન કાર્ડને સરેન્ડર કરવા માટે ઑનલાઇન અને ઑફલાઇન બંને રીતે અરજી શકાય છે. આ માટે એનએસડીએલની વેબસાઇટ અથવા ઑફિસમાં જઈને Request For New PAN Card Or/ And Changes Or Correction in PAN Data પર ક્લિક કરો. આ ફૉર્મને ભરીને જમા કરો.
આ ફૉર્મમાં જે પાન કાર્ડ ચાલુ રાખવા માંગતા હોવા તેનો ઉલ્લેખ ઉપર કરી દો. બાકી બીજા પાન કાર્ડની વિગત ફૉર્મમાં આઇટન નંબર 11માં ભરી દો. આ ઉપરાંત જે પાન કાર્ડને કેન્સલ કરાવવું હોય તેની કૉપી પણ ફૉર્મ સાથે જોડી દો.
કેટલાક લોકો લોકો અલગ અલગ કામ કરવા માટે અલગ અલગ પાન કાર્ડ લેતા હોય છે. ડિમેટ ખાતા માટે અલગ પાન કાર્ડ અને ઇન્કમ ટેક્સ માટે અલગ પાન કાર્ડ લેતા હોય છે.
કેટલાક લોકો લોકો જૂનું પાન કાર્ડ ખોવાઈ જવાના કેસમાં નવા પાન કાર્ડ માટે નવી અરજી કરતા હોય છે. આ કારણ પણ અમુક લોકો પાસે બે પાન કાર્ડ હોય છે.
જો ડિમેટ અને ઇન્કમ ટેક્સ માટે તમે અલગ અલગ પાન કાર્ડ બનાવ્યાં છે તો તમારે એક પાન કાર્ડ સરેન્ડર કરવું પડશે. આ બંનેમાંથી ઇન્કમ ટેક્સ હેતુ જે પાનકાર્ડનો ઉપયોગ કરતા હોવ તેને સરેન્ડર કરી દો. બીજુ પાનકાર્ડ સરેન્ડર કરીને તમારા મૂળ પાનકાર્ડની જાણકારી આપી દો.