દુનિયાભરના એવા ઘણા રેલવે સ્ટેશનો છે જેના વિશે કહેવામાં આવે છે કે ત્યાં આત્માઓ ભટકે છે. કેટલાક સ્ટેશનો તો એવા છે જેને ભૂતોની બીકથી બંધ પણ કરી દેવામાં આવ્યા છે. આવા રેલવે સ્ટેશનમાં પુરાલિયા જિલ્લાથી 43 કિલોમીટર દૂર એક રેલવે સ્ટેશન છે જ્યાં વર્ષ 1972માં છેલ્લી વખત ટ્રેન ચાલી હતી. માનવામાં આવે છે કે આ સ્ટેશન ભૂતિયા છે.
મેક્સિકો સ્થિત આ છે પેન્ટીયોનેસ રેલવે સ્ટેશન. પેન્ટીયોનેસ અને ટેકૂબા સ્ટેશનો વચ્ચે એક સુરંગ છે. કહેવાય છે કે જ્યારે પણ ટ્રેન આ સુરંગથી પસાર થાય છે ત્યારે દીવાલો પર ભૂતો દ્વરા અવાજ કરવાનો અવાજ આવે છે.
ઓસ્ટ્રેલિયાનું મેક્વેરી ફીલ્ડ્સ રેલવે સ્ટેશન. કહેવાય છે કે અહીંયા મોડી રાત્રે લોહીથી લથપથ એક યુવતી ભટકતી દેખાય છે.
સિંગાપોરનું શાન એમઆરટી રેલવે સ્ટેશન આ રેલવે સ્ટેશન એક કબ્ર પર બન્યુ છે. લોકોને અહિં ઘણી વાર કેટલીક પરામનોવૈજ્ઞાનિક અનુભૂતિઓ થઈ છે. કહેવાય છે કે અહિ સન્નાટામાં કોઈના ચાલવાનો અવાજ આવે છે તો ક્યારેક પાટાઓ વચ્ચે કોફીન ચાલતું નજરે પડે છે.
ઈંગ્લેન્ડ સ્થિત એડીસકોમ્બી રેલવે સ્ટેશન. કહેવાય છે કે અહીંયા એક ટ્રેન ડ્રાઈવરનું મૃત્યુ થયુ હતુ. ત્યાર બાદ તેની આત્મા અહીં ભટકતી દેખાય છે. આ ઘટનાને કારણે 2001માં આ સ્ટેશનને પાડી દેવામાં આવ્યુ હતુ.
ન્યુઝીલેન્ડ સ્થિત આ છે ઈડન રેલવે સ્ટેશન 1924માં એક વ્યક્તિનું મોત રેલ અકસ્માતમાં થયુ હતુ. ત્યારથી આજ દિન સુધી તે વ્યક્તિની આત્મા આસ-પાસ દેખાય છે. સંયોગની વાત તો એ છે કે નજીકમાં એક કબ્રસ્તાન પણ છે.
કેનેડા સ્થિત ગેસટાઉનમાં બનેલું વોટરફ્રન્ટ સ્ટેશન. આ સ્ટેશનને લોકો ભૂતિયા માને છે. કહેવાય છે કે અહીંયા સફેદ કપડામાં એક મહિલા ડાન્સ કરતી દેખાય છે પણ જેવું કોઈ તેની સામે જાય છે તે ગાયબ થઈ જાય છે.