ગેંગરેપ / હાથરસ કેસમાં નવો વળાંક, નજરે જોનાર સાક્ષીએ કર્યો ચોંકાવનારો ખુલાસો, કહ્યું તેનો ભાઈ અને માતા...

• ...પીડિતાનો ભાઈ અને મા ત્યાં ઉભા હતા
•  નજરે જોનારા સાક્ષી વિક્રમ સિંહની જુબાની મહત્વની છે
• તેણે કહ્યું કે જ્યારે 5-6 લોકો આવશે ત્યારે તે ત્યાં જશે

સામે આવેલા નજરે જોનારા સાક્ષી વિક્રમ સિંહની જુબાની એટલા માટે મહત્વની છે કેમ કે તે ખેતર વિક્રમ સિંહનું જ છે. જ્યાં પીડિતા ઘાયલ સ્થિતિમાં મળી હોવાની વાત કરવામાં આવી હતી. એક ન્યૂઝ ચેનલ સાથેના ઈન્ટર્વ્યૂમાં વિક્રમ સિંહે દાવો કર્યો છે કે 14 સપ્ટેમ્બરે સવારે તે પોતાના ખેતરમાં ગયો હતો. ત્યારે યુવતીની બુમો સાંભળી હતી. તેઓ સવારે ખેતરમાં ચારો કાપી રહ્યા હતા. બુમો સાંભળી તે અવાજની તરફ ભાગ્યા હતા.

વિક્રમના જણાવ્યાનુંસાર જ્યારે તે ઘટના સ્થળે પહોંચ્યો ત્યારે ખેતરમાં યુવતી જમીન પર પડલી હતી. પીડિતાનો ભાઈ અને મા ત્યાં ઉભા હતા. વિક્રમે જણાવ્યું કે તેના ગળા પર વાગ્યાના નિશાન હતા. તે ભાગીને લવકુશ અને તેની માને જણાવ્યું અને તેની સાથે ખેતરમાં ગયો અને તેને ઘટના સ્થળે જવા કહ્યું.

વિક્રમનો દાવો છે કે જ્યારે તે પાછો આવ્યો તો યુવતીનો ભાઈ ત્યાંથી જતો રહ્યો હતો અને ખેતરમાં યુવતી પડેલી હતી અને તેની મા ત્યાં એટલી ઊભી હતી. યુવતીની માતાએ કહ્યું કે દિકરાને ઘરેથી બોલાવી લાવો.  વિક્રાત જ્યારે પીડિતાના ઘરે જઈ તેના ભાઈને કહ્યું કે ચાલ તારી બહેન બહું ઈજાગ્રસ્ત છે. ત્યારે તેણે કહ્યું કે જ્યારે 5-6 લોકો આવશે ત્યારે તે ત્યાં જશે. વિક્રમનું કહેવું છે કે એ બાદ તે પોતાના ઘરે જતો રહ્યો અને ઘટના અંગે ગામવાળાને જણાવ્યું અને ઘટના સ્થળે ભીડ ભેગી થઈ ગઈ.

ગુરુવારે સીબીઆઈની ટીમ ગામમાં આરોપીઓના ઘરે પણ ગઈ હતી. 3 આરોપીઓના ઘર એક જ ફળિયામાં છે. ત્યારે અન્ય આરોપીનું ઘર બીજી જગ્યાએ છે. પરંતુ ચારેય એક જ ગામમાં રહે છે. ટીમે આરોપીના ઘરનું સર્ચ કર્યુ. ત્યાંથી શું મળ્યું તે કોઈ નથી જાણતુ.