નિમણૂંક / આ છે હાથરસના નવા SP, તેમના ડાન્સનો વીડિયો થયો હતો વાયરલ

• યૂપી સરકારે હાથરસના એસપી સહિત 7 પોલીસ અધિકારીને કર્યા સસ્પેન્ડ
• IPS ઓફિસર વિનીત જયસ્વાલ નવા એસપી નિમાયા
• તેમનો ડાન્સ વીડિયો પણ થઈ ચૂક્યો છે વાયરલ

આવી છે વિનીત જયસ્વાલની કારકીર્દી

2014ની બેચના આઈપીએસ વિનીત જયસ્વાલ મૂળ યૂપીના ગોરખપુરના રહેનારા છે. તેમના પિતા જેલર રહી ચૂક્યા છે. વિનીત આઈપીએસ બનતા પહેલા એક એન્જિનિયર પણ રહી ચૂક્યા છે. તેઓએ નોઈડાના જેએસએસ કોલેજથી કમ્પ્યુટર સાયન્સમાં બીટેક કર્યું છે અને ત્યારબાદ તેઓ ઈન્ફોસીસમાં પણ નોકરી કરી ચૂક્યા છે. આ કામની સાથે જ તેઓએ યૂપીએસસીની તૈયારી પણ કરી અને 2013માં તેમને સફળતા મળતાં જ તેઓ આઈપીએસ માટે પસંદગી પામ્યા. 

પહેલું પોસ્ટિંગ શામલીમાં મળ્યું, અહીં વાયરલ થયો તેમનો એક વીડિયો

ટ્રેનિંગ બાદથી જ IPS ઓફિસર વિનીત જયસ્વાલને નોઈડાના એએસપીની જવાબદારી સોંપવામાં આવી હતી. અહીં તેઓને શામલીના એસપી બનાવાયા હતા. વિનીત જયસ્વાલનો પહેલો જિલ્લો હતો. શામલીમાં એસપી રહ્યા બાદ તેમનો એક વીડિયો વાયરલ થયો હતો. તેમાં તેઓએ સપના ચૌધરીના ગીત પર ડાન્સ કર્યો હતો. આ વીડિયો હોળીના તહેવાર સમયની ઉજવણીનો છે. 

હવે બન્યા હાથરસના નવા એસપી

હવે યૂપીના હાથરસમાં નવા એસપી તરીકે તેમની નિમણૂંક કરવામાં આવી છે. આ પોસ્ટિંગની સાથે જ તેમને હાઈ પ્રોફાઈલ કેસને સંભાળવાની જવાબદારી પણ મળી છે.