બર્બરતા / નિર્ભયા કાંડનું પુનરાવર્તન : હાથરસમાં 4 લોકોએ ગેંગરેપ કરી પીડિતાની જીભ કાપી, દલિત યુવતીનું એમ્સમાં નિધન

• પીડિતાનું સફદરજંગ હોસ્પિટલમાં અવસાન
• નરાધમોએ યુવતીની જીભ કાપી નાખતા ઇશારાઓથી કરતી હતી વાતો
• પીડિતાએ ચાર આરોપીઓની કરી છે ઓળખ
• રામૂ, લવકુશ, રવિ અને સંદીપ નામના નરાધમોની કરાઈ છે ઓળખ

UPના હાથરસમાં યુવતી પર ગેંગરેપના મામલામાં પીડિતાનું સફદરજંગ હોસ્પિટલમાં અવસાન થયું છે.  યુવતીના સંબંધીઓએ આ વાતની પુષ્ટિ કરી છે. 15 દિવસ પહેલા  14 સપ્ટેમ્બરના રોજ હાથરસમાં યુવતી પર ગેંગ રેપ થયો હતો. 

ઉત્તરપ્રદેશમાં નિર્ભયાકાંડ જેટલી ક્રૂર ઘટનાને અંજામ અપાયો હતો. 4 આરોપીઓએ યુવતી સાથે ક્રૂરતા પૂર્વક દુષ્કર્મ આચર્યું હતું. યુવતીને અત્યંત ગંભીર હાલતમાં હોસ્પિટલ દાખલ કરાઈ હતી.  હોસ્પિટલમાં સારવાર દરમિયાન યુવતીએ જીવ ગુમાવ્યો છે. 

ઘટનાની જાણ કોઈને ન કરી શકે તે માટે નરાધમોએ તેની જીભ પણ કાપી નાંખી બર્બરતા આચરી હતી. જોકે બહાદુર યુવતીએ તેનાથી હાર નહોતી માની તેણે ઇશારાઓથી વાતો કરી આરોપીઓની માહિતી આપવાનો પ્રયાસ કર્યો  હતો.  ઉલ્લેખનીય છે કે પીડિતાએ ચાર આરોપીઓની ઓળખ કરી છે. રામુ, લવકુશ, રવિ અને સંદીપ નામના નરાધમોની ઓળખ કરાઈ છે.