વિરોધ / હાથરસ ગેંગરેપના પડઘા અમદાવાદ: આજે સફાઈ કામદારોના હાથ અટક્યા, આજે હડતાલ પાડી કર્યો વિરોધ

• હાથરસની ઘટનાના પડઘા અમદાવાદમાં
• સફાઇ કામદારો આજે કામથી રહેશે અડગા
• સફાઇકર્મીઓ દ્વારા કરાઇ ન્યાયની માગ

હાથરસ ગેંગરેપના પડઘા અમદાવાદમાં પડી રહ્યા છે. સમગ્ર દેશમાં ગામમાં દલિત સમાજની દીકરી સાથે દુષ્કર્મ હત્યાના વિરોધમાં અમદાવાદ મ્યુનિ. કોર્પોરેશનના નોકરમંડળ દ્વારા એક દિવસની પ્રતિકાત્મક હડતાલની જાહેરાત કરાઈ છે. AMCના સફાઈ કામદારો આજે  શહેરભરમાં સફાઈ ન કરીને વિરોધ નોંધાવશે. શહેરભરમાં સફાઈ કામગીરી સંપૂર્ણ બંધ રખાશે.

 શાંતિપૂર્ણ રીતે વિરોધ કરવાનું નક્કી કર્યું

ઉત્તર પ્રદેશની ગેંગરેપની ઘટનામાં પીડિત પરિવારને વહેલામાં વહેલા ન્યાય આપવામાં આવે તેવી માંગણી કરવામાં આવી છે. આજે સવારથી જ અમદાવાદમાં સફાઈ કર્મચારીઓ દ્વારા શાંતિપૂર્ણ રીતે વિરોધ કરવામાં આવ્યો છે.  કોરોનાને ધ્યાનમાં રાખીને સફાઈ કર્મચારીઓએ શાંતિપૂર્ણ રીતે વિરોધ કરવાનું નક્કી કર્યું છે.