ઉત્તરપ્રદેશના હાથરસ જનપદના ચંદપા ક્ષેત્રના બુલગાડીમાં કહેવાતા ગેંગરેપની શિકાર પીડિતાના મોત બાદ પોલીસ અને જિલ્લા પ્રશાસનના શરમજનક ચહેરા સામે આવ્યા છે. દિલ્હીથી મૃતદેહ લાવ્યા બાદ પોલીસે તેને પરિવારને સોંપ્યો નહીં અને રાતે જ કોઈ પણ રીતરિવાજ વિના તેના અંતિમ સંસ્કાર કરી દીધા. પોલીસ અને પ્રશાસનના આ કામથી પરિવારજનો અને ગ્રામીણોમાં રોષ ફેલાયો છે. મીડિયાને પણ કવરેજથી દૂર રાખવામાં આવ્યા છે.
હાથરસ ગેંગરેપમાં નવો વળાંક
પરિવારને ન અપાયો પીડિતાનો મૃતદેહ
પોલીસે રાતે જ કરી દીધા અંતિમ સંસ્કાર
આ પહેલાં જ્યાર મૃતદેહ ગામ પહોંચ્યો તો તેને પરિવારજનોને ન સોંપાયો. ત્યારબાદ પરિવારજનોએ એમ્યુલન્સની સામે રસ્તા પર સૂઈને આક્રોશ વ્યક્ત કર્યો. આ સમયે એસડીએમ પર પરિવારજનો સાથે બદસલૂકીનો આરોપ લગાવાયો. પોલીસ અને ગ્રામીણોમાં ઝપાઝપી થઈ. પરિવારજનો રાતે અંતિમ સંસ્કાર કરવા ઈચ્છતા ન હતા જ્યારે પોલીસ તરત અંતિમ સંસ્કાર કરવા ઈચ્છતી હતી. આ પછી અડધી રાતે 2.40 મિનિટે કોઈ પણ રીત રિવાજ વિના પરિવારની ગેરહાજરીમાં પોલીસે પીડિતાના અંતિમ સંસ્કાર કરી દીધા.
અનેક જગ્યાઓએ થઈ રહ્યા છે વિરોધ પ્રદર્શન
પીડિતાના મોત બાદ તમામ રાજકીય દળોએ સરકાર પર નિશાન સાધ્યું છે. ભીમ આર્મીએ તો સફદરજંગ હોસ્પિટલ પહોંચીની ધરણાં શરૂ કર્યા છે. સમાજવાદી પાર્ટી, બસપા અને કોંગ્રેસે રાજકીય કામ કર્યા, આ સમયે અનેક જિલ્લામાં લોકોએ પીડિતાના સમર્થનમાં કેન્ડલ માર્ચ કરી છે અને ન્યાયની માંગ કરી છે.
दिल्ली: हाथरस गैंगरेप मामले के खिलाफ कांग्रेस कार्यकर्ताओं ने सफदरजंग अस्पताल के बाहर विरोध प्रदर्शन किया। pic.twitter.com/0sOJqJ87tF
મૃતકના કાકાએ કહ્યું કે પોલીસ દબાણ કરી રહી હતી કે મૃતદેહના અંતિમ સંસ્કાર કરી દેવામાં આવે. જ્યારે દીકરીના માતા પિતા અને ભાઈ અહીં ન હતા. તેઓ દિલ્હીમાં હતા અને પહોંચ્યા પણ ન હતા. આ કારણે પરિવારના રાતે અંતિમ સંસ્કાર કરવાની મનાઈ પર પોલીસે કહ્યું કે તમે નહીં કરો તો અમે જાતે કરી દેશું.
चारों अभियुक्तों की पहले गिरफ्तारी की जा चुकी है, 376 डी सेक्शन के आधार पर शासन द्वारा निर्धारित धनराशि की पहली किश्त 4,12,500 रुपये पीड़िता के परिवारवालों के खाते में ट्रांसफर कर दिए हैं। पीड़िता का पोस्टमार्टम दिल्ली में कराया जा रहा है: प्रकाश कुमार, ASP, हाथरस, उत्तर प्रदेश https://t.co/oGjL2aIqGlpic.twitter.com/DpLmzwTEp3
વિપક્ષી દળોના વિરોધ અને મીડિયા રિપોર્ટનું ખંડન કરતાં આઈજી પીયૂષ મોડિયાએ કહ્યું છે કે મેડિકલ તપાસમાં રેપ થયો હોવાનું જાણવા મળ્યું નથી. સાથે જ ટ્વિટર પર મીડિયા રિપોર્ટનું ખંડન કરતાં પોલીસે કહ્યું છે કે ન તો જીભ કાપવામાં આવી હતી અને ન કમરનું હાડકું તૂટ્યું હતું.