ગેંગરેપ / હાથરસની પીડિતાના પોસ્ટમોર્ટમ રિપોર્ટમાં ચોંકાવનારો ખુલાસો, મોતનું કારણ જાણી હચમચી જશો

• ગળુ દબાવીને સર્વાઈકલ સ્પાઈન ટુટી ગઈ હતી
•  મેડિકલ રિપોર્ટમાં રેપની વાતનો ઈનકાર કરવામાં આવ્યો હતો
• ગળું દબાવવાના કારણે સર્વાઈકલ સ્પાઈનનું લિગામેન્ટ તુટી ગયું 

પોસ્ટમોર્ટમ રિપોર્ટમાં કહેવામાં આવ્યું છે કે ગળુ દબાવીને સર્વાઈકલ સ્પાઈન ટુટી ગઈ હતી. જે મોતનું મુખ્ય કારણ બની છે .આ પહેલા અલીગઢના જેએન મેડિકલ કોલેજના રિપોર્ટમાં ગળાનું હાડકુ તુટવાની વાત કરવામાં આવી હતી. મેડિકલ રિપોર્ટમાં કહેવામાં આવ્યું છે કે ગળું દબાવવાના કારણે સર્વાઈકલ સ્પાઈનનું લિગામેન્ટ તુટી ગયું હતુ. મેડિકલ રિપોર્ટમાં રેપની વાતનો ઈનકાર કરવામાં આવ્યો હતો.

ઉલ્લેખનીય છે કે આ કેસમાં પીડિતાનો મોત પહેલાના નિવેદનમાં કહ્યું છે કે તેની સાથે રેપ થયો હતો. એ બાદ તેને દુપટ્ટાથી ગળું દબાવ્યું હતુ. જો કે તેની બુમો સાંભળીને તેની મા ત્યાં પહોંચતા આરોપીઓ ભાગી ગયા હતા. આ દરમિયાન પીડિતાનો એક વીડિયો વાયરલ થયો છે. જેમાં તે કહી રહી છે કે આરોપીઓએ તેની સાથે પહેલા રેપનો પ્રયત્ન કર્યો પણ તે સમયસર ત્યાંથી ભાગવામાં સફળ રહી. પરંતુ 14 સપ્ટેમ્બરે એવું ન થયું. આરોપી સંદિપ અને રવિએ તેની સાથે બળાત્કાર કર્યો. તે સમયે રામકુમાર અને લવકુશ પણ હાજર હતા. 

ઉલ્લેખનીય છે કે UPના હાથરસમાં યુવતી પર ગેંગરેપના મામલામાં પીડિતાનું સફદરજંગ હોસ્પિટલમાં અવસાન થયું છે.  યુવતીના સંબંધીઓએ આ વાતની પુષ્ટિ કરી છે. 15 દિવસ પહેલા  14 સપ્ટેમ્બરના રોજ હાથરસમાં યુવતી પર ગેંગ રેપ થયો હતો. 4 આરોપીઓએ યુવતી સાથે ક્રૂરતા પૂર્વક દુષ્કર્મ આચર્યું હતું. યુવતીને અત્યંત ગંભીર હાલતમાં હોસ્પિટલ દાખલ કરાઈ હતી.  હોસ્પિટલમાં સારવાર દરમિયાન યુવતીએ જીવ ગુમાવ્યો હતો. ઘટનાની જાણ કોઈને ન કરી શકે તે માટે નરાધમોએ તેની કરોડરજ્જુ તોડી નાંખ્યો હતો. તેની જીભ પણ કાપી નાંખી બર્બરતા આચરી હતી.  ઉલ્લેખનીય છે કે પીડિતાએ ચાર આરોપીઓની ઓળખ કરી છે. રામુ, લવકુશ, રવિ અને સંદીપ નામના નરાધમોની ઓળખ કરાઈ છે.