પ્રદર્શન / VIDEO : હાથરસનો વિરોધ ગુજરાત પહોંચ્યો, રાહુલ ગાંધીની અટકાયતને પગલે કોંગ્રેસી કાર્યકરો રસ્તા ઉપર

• ઉત્તરપ્રદેશમાં રાહુલ ગાંધીની ધરપકડને પગલે ગુજરાતમાં વિરોધ
• કોંગ્રેસના કાર્યકરો રસ્તે ઉતરી આવ્યા
• જામનગર, સુરત, વડોદરામાં વિરોધ

ઉત્તરપ્રદેશ પોલીસ રાહુલ અને પ્રિયંકા ગાંધીને એક્સપ્રેસ-વે પર ગેસ્ટ હાઉસમાં લઇ ગઇ. હાથરસ જઇ રહેલા બન્ને નેતાઓની પોલીસે ધરપકડ કરી હતી.

હાથરસ રેપ પીડિતાના પરિવારની મુલાકાતે જતા રાહુલ ગાંધીને યુપી પોલીસ દ્વારા અટકાયત કરવામાં આવી હતી અને આ વખતે તેમને ધક્કો લાગતા તે પડી ગયા હતા જેને પગલે યુપીનો આ વિરોધ ગુજરાત પહોંચ્યો છે. અને યુપી સરકારનો ગુજરાતમાં વિરોધ થઈ રહ્યો છે. જામનગર, સુરત અને વડોદરામાં વિરોધ થઈ રહ્યો છે. 

વડોદરામાં વિરોધ પ્રદર્શન

યુપી પોલીસે રાહુલની કરેલી ધરપકડના પડઘા વડોદરામાં પડ્યા છે. રાહુલ ગાંધીની ધરપકડ મામલે કોંગ્રેસનો વડોદરામાં વિરોધ કરવામાં આવી રહી છે. વડોદરા શહેર કોંગ્રેસ દ્વારા વિરોધ પ્રદર્શન કરવામાં આવી રહ્યું છે. હાથરસ જઈ રહેલા રાહુલ ગાંધીની ધરપકડ કરાઈ હતી. 

સુરતમાં કોંગ્રેસ દ્વારા વિરોધ પ્રદર્શન

યુપીની હાથરસમાં બળાત્કારનીની ઘટના સામે વિરોધ થઈ રહ્યો છે. કોંગ્રેસના નેતા રાહુલ ગાંધીની અટકાય કરતા વિરોધ થઈ રહ્યો છે. પરિવાર ને મળવા જતા રાહુલની અટકાયત કરાઈ હતી. સુરતમાં મોટી સંખ્યામાં કોંગ્રેસી કાર્યકર્તા દ્વારા વિરોધ નોંધાવાયો છે. 

જામનગરમાં વિરોધ પ્રદર્શન

ઉત્તરપ્રદેશ-હાથરસમાં રાહુલની ધરપકડના પડઘા જામનગરમાં પણ પડ્યા છે. રાહુલ ગાંધીની અટકાયત થતાં જામનગરમાં કોંગ્રેસ મેદાને પડ્યું છે. કોંગ્રેસના કાર્યકરોએ સૂત્રોચ્ચાર કરી વિરોધ  કર્યો છે. યોગી આદિત્યનાથના પૂતળાનું દહન કર્યુ છે.