ગેંગરેપ / હાથરસ કાંડ : આરોપીઓના પક્ષમાં ગામની બાજુમાં મોટી સંખ્યામાં આ લોકો થયા એકજૂથ, કહ્યું નિર્દોષ છે

• આરોપીઓના પક્ષમાં એકજૂથતા શરુ થઈ રહી છે
• આરોપી પરિવારને ન્યાય અપાવવા માટે સવર્ણ સમાજે કવાયદ હાથ ધરી 
• પંચાયતમાં લોકોએ આરોપીઓના પક્ષમાં માંગ ઉઠાવી છે.

પીડિતાના ગામના નજીકના ગામના સવર્ણ સમાજના લોકો એકજૂથ નજરે પડ્યા છે. તે ચારેય આરોપી નિર્દોષ હોવાનું કહી રહ્યા છે. ઉલ્લેખનીય છે કે પંચાયતમાં એ માંગ ઉઠી છે કે એસઆઈટી તપાસ નિષ્પક્ષ રુપે થાય. જો આરોપી ગુનેગાર છે તો તેમને ચોક્કસથી સજા થાય. ત્યાના લોકોનું કહેવું છે કે હકિકત સામે આવવી જોઈએ. મનાઈ રહ્યું છે કે આરોપી પરિવારને ન્યાય અપાવવા માટે સવર્ણ સમાજે આ કવાયદ હાથ ધરી છે.

આ પગલાથી પોલીસ- વહિવટી અધિકારીઓની ચિંતા વધી છે. પોલીસ આ વિસ્તારમાં સુરક્ષા વધારી રહી છે. ત્યારે હાથરસ કાંડમાં રાજ્ય સરકારે મોટી કાર્યવાહી કરી છે. હવે આ મામલામાં આરોપીઓની સાથે સાથે પીડિત પક્ષની પણ પોલીગ્રાફ અને નાર્કો ટેસ્ટ કરાવવામાં આવશે. એસઆઈટીનો પહેલો રિપોર્ટ મળ્યા બાદ આ પગલા ભરવામાં આવ્યા છે. સરકાર હકિકત જાણવા માટે આ ટેસ્ટ કરાવી રહી છે.

નોંધનીય છે કે આ ઘટનાની સાથે સીએમ યોગી આદિત્યનાથ એક્શન મૂડમાં આવ્યા છે. તેમણે જિલ્લા પોલીસવડા વિક્રાંત વીર સહિત 5 પોલીસકર્મી સસ્પેન્ડ કરાયા. નવા SP વિનિત જયસ્વાલે અડધી રાત્રે ચાર્જ સંભાળ્યો છે. ત્યારે SDM વિરુદ્ધ હજુ સુધી કાર્યવાહી ન થતા વિરોધ થઈ રહ્યો છે. તેમજ એસપી અને ડીએસપીના પણ નાર્ટો ટેસ્ટ કરવા કહ્યું છે. યોગીએ કહ્યું કે બેટી બહેનોની આબરુની સાથે રમત કરનારાનો નાશ કરાશે. દીકરીઓની સાથે અક્ષમ્ય ગુનો કરનારાને કોઈ પણ કિંમતે નહીં છોડાય. બીજી તરફ વિપક્ષ સતત આ મુદ્દાને લઈને સરકાર પર નિશાનો સાધી રહ્યુ છે. તેમણે તો સીએમ યોગીના રાજીનામાની પણ માંગ કરી છે.