યૂપીના હાથરસ કાંડમાં આજે અલાહાબાદ કોર્ટની લખનઉ બેંચમાં બપોરે 2.30 મિનિટે સુનાવણી થશે. આ માટે પીડિતાના પરિવારને સુરક્ષા સાથે સવારે 6 વાગે લખનઉ લઈ જવા માટે રવાના કરાયો છે. સુનાવણીમાં સામેલ થવા પીડિત પરિવાર એસ્કોર્ટની 6 ગાડી સાથે નીકળ્યો છે. SDM અંજલી ગંગવાર અને CO પણ પીડિત પરિવાર સાથે લખનઉ જવા રવાના થયા છે.
હાથરસ કાંડની આજે લખનઉમાં સુનાવણી
બપોરે થશે અલાહાબાદ હાઈકોર્ટમાં સુનાવણી
પીડિતાનો પરિવાર સવારે સુરક્ષા સાથે લખનઉ રવાના
પરિવારના આ સભ્યો જઈ રહ્યા છે સુનાવણીમાં
સવારે 6 વાગે સુરક્ષા સાથે નીકળેલો પીડિતાનો પરિવાર 12 વાગ્યા સુધીમાં લખનઉ પહોંચશે. આ પહેલાં તેમને લેવા માટે પોલિસની ટીમ બુલગઢી પહોંચી હતી. પરિવારને રાતે જ લઈ જવાની તૈયારી કરાઈ હતી પણ પછી સવારે લઈ જવાયો હતો. પીડિતાના પરિવારે સુરક્ષાના કારણોને ધ્યાનમાં રાખીને રાતના સમયે લખનઉ જવાની મનાઈ કરી હતી. પીડિતાના પરિવારના 5 લોકો સાથે સીઓ અને મેજિસ્ટ્રેટની હાજરીમાં કોર્ટ સુનાવણી કરશે. પીડિતાના પરિવારના જે સભ્યો લખનઉ જઈ રહ્યા છે તેમાં પીડિતાના બંને ભાઈ, પિતા, માતા અને ભાભીનો સમાવેશ કરાયો છે.
Family members of #Hathras alleged gang-rape victim leave for Lucknow.
They will appear before Lucknow Bench of Allahabad High Court later in the day. pic.twitter.com/Slu1k5GUmW
1 ઓક્ટોબરે અલાહાબાદ હાઈકોર્ટની લખનઉ બેંચે હસ્તક્ષેપ કર્યા બાદ યોગી સરકાર હરકતમાં આવી અને પરિવારને સુરક્ષા અપાઈ. પરિવારની સુરક્ષામાં 60 પોલીસ જવાનો અને સીસીટીવી કેમેરા લગાવાયા. સાથે અહીં આવનાર દરેક વ્યક્તિ પર નજર પણ રાખવામાં આવી રહી હતી. લખનઉ બેંચની સુનાવણી દરમિયાન ગૃહ મુખ્ય સચિવ, ડીજીપી હિતેશ ચંદ્ર અવસ્થી, એડીજી લો એન્ડ ઓર્ડર પ્રશાંત કુમાર સિવાય હાથરસના ડીએમ પ્રવીણ કુમાર અને એસપી વિક્રાંત પમ હાજર રહેશે. પોલીસ કાર્યવાહી જે રીતે થઈ છે તેને લીને પણ કોર્ટમાં પ્રશ્નોનો સામનો કરવાનો રહેશે.
સીબીઆઈએ નોંઘ્યો કેસ
આ કેસને સીબીઆઈ દ્વારા નોંધવામાં આવ્યો છે. તપાસ એજન્સીએ એક ટીમ બનાવી છે. હાથરસ કેસની તપાસ સીબીઆઈમાં સીબીઆઈ યૂનિટમાં હાજર ડીએસપી સીમા પાહુજા કરશે. સીમા એક કડક વ્યક્તિત્વ ધરાવનારી ઓફિસર છે જે હિમાચલના ગુડિયા કેસની પણ તપાસ કતરી ચૂકી છે. આ સિવાય સફળ તપાસ માટે તેમને અનેક સન્માન પણ મળી ચૂક્યા છે. હાથરસની તપાસ અત્યાર સુધી એસઆઈટી કરી રહી હતી. 14 સપ્ટેમ્બરની સચ્ચાઈ જાણવા તેઓએ ગામના 40 લોકોની પણ પૂછપરછ કરી છે. તેમાં આરોપી અને પીડિતાના પરિવારના સભ્યો પણ સામેલ છે.