પંચમહાલ / ઘોઘંબા પાસે આવેલ હાથણી માતાનો ધોધ શરૂ થતાં પ્રવાસીઓ ઉમટી પડ્યાં

પંચમહાલ જિલ્લાના ઘોઘંબા પાસે આવેલો હાથણી ધોધ વરસાદના કારણે સજીવન થયો હતો...તો અહીં રમણીય કુદરતી સૌંદર્યનો લાભ લેવા માટે દૂર દૂરથી પ્રવાસીઓ આવી રહ્યા છે. આ કુદરતી ઝરણું વરસાદી સિઝનમાં જ સજીવન થતું હોય છે સાથે જ આસપાસની લીલોતરી અને ઉંચાણવાળા વિસ્તારમાંથી પસાર થતો ધોધ અને ખળખળ વહેતું પાણી લોકોનું મન મોહી લે તેવું છે. અહીં મોટી સંખ્યામાં પ્રવાસીઓ આ ધોધમાં ન્હાવા માટે અને નજારો માણવા માટે આવી પહોંચતા હોય છે.. જોકે અહીં પાણીનો પ્રવાહ વધી જતાં સહેલાણીઓને હાલાકીનો સામનો કરવાનો વારો આવે છે..કારણ કે ધોધ સુધી પહોંચવા માટે ઝરણામાંથી જ પસાર થવું પડે છે. જેથી લોકોને અવર જવરમાં મુશ્કેલી પડે છે.