હાલ ટીમ ઈન્ડિયા મેચ જીતવાના પૂરા પ્રયાસ કરી રહી છે આ દરમિયાન કેપ્ટન રોહિત શર્માનો એક વીડિયો સોશિયલ મીડિયા પર વાયરલ થઈ રહ્યો છે.
રોહિત શર્માનો એક વીડિયો સોશિયલ મીડિયા પર વાયરલ
'અરે તેને ત્યાંથી હટાઓ' ફેન પર ભડક્યો રોહિત
ભારત અને ઓસ્ટ્રેલિયા વચ્ચે હાલ બોર્ડર-ગાવસ્કર ટ્રોફી ટેસ્ટ સિરીઝની ચોથી ટેસ્ટ મેચ અમદાવાદના નરેન્દ્ર મોદી ક્રિકેટ સ્ટેડિયમમાં રમાઈ રહી છે. જણાવી દઈએ કે આ મેચમાં ઓસ્ટ્રેલિયાની ટીમે પ્રથમ દાવમાં 480 રન બનાવ્યા હતા ટેસ્ટ મેચના આજે ત્રીજા દિવસે હાલમાં ટીમ ઈન્ડિયા ઘણી પાછળ ચાલી રહી છે. હાલ ટીમ ઈન્ડિયા મેચ જીતવાના પૂરા પ્રયાસ કરી રહી છે આ દરમિયાન કેપ્ટન રોહિત શર્માનો એક વીડિયો સોશિયલ મીડિયા પર વાયરલ થઈ રહ્યો છે.
કેપ્ટન રોહિત શર્માનો ગુસ્સો જોવા મળ્યો
હાલમાં ચાલી રહેલી બોર્ડર-ગાવસ્કર ટ્રોફીના બીજા દિવસે ટીમ ઈન્ડિયાનો કેપ્ટન રોહિત શર્મા તેનો કંટ્રોલ ગુમાવી બેઠો હતો અને એક ફેન પર રાડો પાડવા લાગ્યો હતો. આ ઘટના ભારતની ઇનિંગની છઠ્ઠી ઓવરમાં બની હતી જ્યારે સ્પિન વિઝાર્ડ નાથન લિયોન બોલિંગ કરી રહ્યો હતો. એ સમયે એક એવો બનાવ બન્યો કે ટીમ ઈન્ડિયાના કેપ્ટન રોહિત શર્માનો ગુસ્સો જોવા મળ્યો હતો. તેનો અવાજ સ્ટમ્પ માઈકમાં રેકોર્ડ થઈ ગયો હતો અને ત્યારબાદ આ વીડિયો સોશિયલ મીડિયા પર વાયરલ થયો છે.
— Anna 24GhanteChaukanna (@Anna24GhanteCh2) March 11, 2023
'અરે તેને ત્યાંથી હટાઓ' ભડક્યો રોહિત
નાથન લિયોનની ઓવરમાં શુભમન ગિલે જોરદાર સિક્સર ફટકારી હતી. જે બાદ બોલ સાઈટ સ્ક્રીન પાસે ફસાઈ ગયો. જૂનો બોલ શોધવા માટે એક ચાહક ત્યાં ગયો અને તેને બોલ મળ્યો હતો પણ બોલ મળવા છતાં ચાહક ત્યાં જ ઊભો રહી ઉજવણી કરી રહ્યો હતો. જે બાદ રોહિત શર્મા ગુસ્સામાં આવી ગયો અને તેણે ફર્સ્ટ અમ્પાયરને તેને હટાવવા માટે કહ્યું. તે પછી તેણે પોતે બૂમો પાડવાનું શરૂ કર્યું, હિટમેનનો અવાજ સ્ટમ્પ માઈકમાં રેકોર્ડ થઈ ગયો.