ગુજરાતી સિનેમા જગત અને દુરદર્શન પર આવતી પ્રખ્યાત સિરીયલ અમે એક ડાળના પંખીમાં લીડ કેરેક્ટર પ્લે કરતા હસમુખ ભાવસાર હવે આપણી વચ્ચે નથી રહ્યાં.
દિગ્ગજ કલાકાર હસમુખ ભાવસારનું નિધન
એક ડાળના પંખી દ્વારા ઘરે ઘરે હતા જાણીતા
અલગ અવાજ અને છટાના હતા માલિક
ગુજરાતી નાટકોમાં જ્યારે આપણે હસમુખ ભાવસારના અલગ અલગ પાત્રને જોતા ત્યારે દરેક પ્રકારની લાગણી અનુભવી શકતા. કોમેડી કરે ત્યારે હાસ્યની છોળો ઉછળવા લાગે અને ઇમોશનલ પાત્ર ભજવે ત્યારે આપણી આંખોમાંથી પાણી પણ છલકાઇ જતા. હવે એ અલગ અલગ પાત્રોના માલિક હસમુખ ભાવસારે આપણી વચ્ચેથી વિદાય લઇ લીધી છે.
ગુજરાતી ફિલ્મોમાં તેમણે દિલ દોસ્તી લવ ઇન લાઇફ, બાપ વેચવાનો છે, ગ્રાન્ડ હળી, મોનાલીસા, સંબંધોની સોનોગ્રાફી, આ તો પ્રેમ છે વગેરે જેવી ફિલ્મોમાં કામ કર્યુ છે.
એક ડાળના પંખી તો આપણે જોઇને મોટા થયા છીએ, તેમાં જ્યારે પુરુષોની બેઠક ભરાતી અને તેમાં હસમુખ ભાવસારની વાત કરવાની પણ એક આગવી છટા હતી. હવે તે છટા આપણને ટીવી પર જ જોવા મળશે. ભગવાન હસમુખ ભાવસારની આત્માને શાંતિ આપે તેવી પ્રાર્થના.