દારૂની હેરાફેરી / પત્ની સાથે દારૂ ની હૅરાફેરી કરવા જતા લાખો રૂપિયાની કાર પણ ખોવાનો વારો આવ્યો

• ગુજરાતમાં ઇન્જેક્શનની અછત સર્જાશે પણ દારૂની નહી 
• બુટલેગરો પોલીસને છેતરવા અપનાવી રહ્યાં છે નવા તુક્કા
• વલસાડ પોલીસે દારૂની હેરાફેરી કરતા દંપત્તિને ઝડપી પાડ્યા

ગાંધીના ગુજરાતમાં દારૂબંધીનો ના કાયદાનું  કોરોના કાળ માં કડક અમલ થઇ રહ્યો નથી રાજ્ય ની તમામ બોર્ડર કોરોના ના કારણે સીલ હોવા  છતાં હજુ પણ રાજ્યમાં પોલીસના હાથે રોજના લાખો રૂપિયાનો દારૂ ઝડપાય છે. 

દારૂબંધીનો કડક અમલ ક્યારે

ગાંધીના ગુજરાતમાં દારૂબંધીનો કડક અમલ થતો હોવાના સરકાર દ્વારા  દાવા થઈ રહ્યા છે. જો કે તેમ છતાં હજુ પણ રાજ્યમાં પોલીસના હાથે રોજ ના  લાખો રૂપિયાનો દારૂ ઝડપાય છે કોરોના ના કપરા કાળ માં પણ બુટલેગરો  બેફામ બન્યા છે. ત્યારે રાજ્યના છેવાડે આવેલ વલસાડની લોકલ ક્રાઇમ બ્રાન્ચ દ્વારા 2 નવી નકોર લાખો  રૂપિયાની  વિદેશી કારમાંથી લાખો રૂપિયાનો  વિદેશી દારૂની  હેરાફેરીનો પર્દાફાશ કર્યો છે. સુરત ના હજીરાના એક દંપતી સહિત  4  બુટલેગર ની ધરપકડ કરાઈ છે.

વિદેશી દારૂની  હેરાફેરીનો પર્દાફાશ

રાજ્યના છેવાડે આવેલ વલસાડ જિલ્લા એલસીબી પોલીસને મળેલી બાતમીને આધારે એલસીબી પોલીસની ટીમ અમદાવાદ-મુંબઈ નેશનલ હાઈવે પર વોચમાં હતી. એ દરમિયાન જ પોલીસને મળેલી  બાતમી વાળી કુલ 2 કારમાં સઘન તપાસ કરતા કારમાંથી વિદેશી દારૂની વિવિધ બ્રાન્ડની અનેક બોટલો મળી આવી હતી.આ કાર ચાલકને પોલીસ સ્ટેશન લાવી તપાસ કરતા કારમાંથી અંદાજે 2.41 લાખના કિંમતના વિદેશી દારૂ  મળી આવી હતી. વલસાડ પોલીસે  આ બંનેને દારૂની હેરાફેરી કરવાના ગુન્હામાં 22,41 લાખના  મુદામાલ સાથે ઝડપી પડ્યો છે તેમજ કારચાલક આરોપી સુનિલ પટેલ, માયા પટેલ તેમજ ધવલ પટેલ અને મહેશ પટેલની દારૂની હેરાફેરીના ગુનામાં ધરપકડ કરી તેમને વિરુદ્ધ કાયદેસરની કાર્યવાહી હાથ ધરી છે..

વલસાડની બોર્ડર પર સઘન ચેકિંગ

હાલે  કોરોના ના કારણે દમણ અને વલસાડ ની બોર્ડર પર  સઘન ચેકિંગ હાથ ધરાઈ રહ્યું છે ,ત્યારે  સુરત માં વિદેશી દારૂ ના મોં માગ્યા દામ મળી રહે છે.જેથી બુટલેગરો પોલીસ ને ચકમો આપવા કઈ પણ હદે જઈ  રહયા છે. આ વખતે પણ બુટલેગરો એ  વલસાડ પોલીસ ની આંખ માં ધૂળ નાખવા  દારૂ ની તસ્કરી માટે લાખો  રૂપિયા ની  નવી નકોર એમ જી હેક્ટર કાર નો ઉપયોગ કર્યો હતો અને કારમાં ચોર ખાના પણ બનાવ્યા હતા.

દંપતિનો મોડ્સ ઓપરેન્ડી નો પ્લાન હતો

આમ પ્રથમ નજરે એક સારા ઘરનું દંપતિ પરિવાર  કાર લઇ ને ફરવા નીકળ્યું હોય તેવું પોલીસ માને અને  કાર માં વિશેસ  ચેકીંગ ન થાય તે પ્રકાર ની મોડ્સ ઓપરેન્ડી નો પ્લાન હતો. જોકે વલસાડ પોલીસ ની સતર્કતા અને બાતમી ના આધારે બંને કાર ઝડપાતા  બુટલેગર નો પ્રયાસ નિષ્ફળ નીવડ્યો છે.તો જે કાર માં 10 લીટર થી વધારે માત્રમાં દારૂ મળી આવે તે કાર ને કોર્ટ પણ છોડતી નથી.તેથી હવે આ કાર પોલીસ સ્ટેશન બહાર લાંબા સમય પડી રહેશે.પણ બુટલેગરોને હાથે હવે આ બંને કાર નહિ લાગે.

રીઢા બુટલેગરો રોજ અવનવી  તરકીબો અપનાવે છે

વિદેશી દારૂની હેરાફેરી અને  ધંધામાં મોટી  કમાણીને કારણે રીઢા બુટલેગરો રોજ અવનવી  તરકીબો અપનાવી રહયા છે.ત્યારે સુનિલ પટેલતો પોતાની પત્ની  સાથે  પહેલા દમણ ના દરિયા કિનારે  પીકનીક માણી  અને બાદ માં મોંઘી કાર માં પત્ની સાથે  દારૂ ની હૅરાફેરી કરવા જતા હવે ભરાઈ ગયો છે. આ દંપતી હવે માલામાલ તો થયા નથી પરંતુ દંપતીને જેલ ની હવા ખાવાનો વારો જરૂરથી આવ્યો છે.અને લાખો  રૂપિયાની કાર પણ ખોવાનો વારો આવ્યો છે.