ચંદીગઢ-દિલ્હી હાઈવે પર સવારે 3 વાગ્યાની આસપાસ થયેલ એક અકસ્માતમાં પાંચ લોકોના મોત થયા હતા. આ અકસ્માત એટલો ગંભીર હતો કે બસનો રીતસર ખુરદો વળી ગયો હતો.
અંબાલા જિલ્લામાં ભયાનક માર્ગ અકસ્માત
5 લોકોના મોત 10 ઘાયલ
વહેલી સવારે ત્રણ બસો આપસમાં ટકરાઇ
હરિયાણાના અંબાલા જિલ્લામાં એક ભયાનક માર્ગ અકસ્માત થયો છે. ત્રણ ટુરિસ્ટ બસો એકબીજા સાથે અથડાઇ હતી અને જેના કારણે આ ગંભીર અકસ્માત થયો હતો.
સવારે ત્રણ વાગ્યે થયો અકસ્માત
ચંદીગઢ-દિલ્હી હાઈવે પર સવારે 3 વાગ્યાની આસપાસ થયેલ આ અકસ્માતમાં પાંચ લોકોના મોત થયા છે. વધુમાં આ અકસ્માતમાં લગભગ 10 લોકો ઘાયલ પણ થયા છે. 3 ટૂરિસ્ટ બસો એકબીજા સાથે અથડાતાં આ અકસ્માત થયો હતો. આ અકસ્માત હીલિંગ ટચ હોસ્પિટલ નજીક હરિયાણાના અંબાલા-દિકહી હાઇવે પર વહેલી સવારે થયો હતો. બસ દિલ્હી જઈ રહી હતી.
Five people were killed and eight were injured in a bus accident that took place near Healing Touch Hospital on Haryana's Ambala-Delhi highway in the early hours today. The bus was going towards Delhi when another bus hit it from behind. We have registered a case: ASI Naresh pic.twitter.com/D8231y2P12
પાંચ લોકોનું મોત
સ્થાનિક મીડિયા દ્વારા પ્રાપ્ત માહિતી અનુસાર, અકસ્માતનો ભોગ બનેલી ત્રણ બસો કટરાથી દિલ્હી જઈ રહી હતી. આ ભયાનક અને દર્દનાક અકસ્માત ચંદીગઢ-દિલ્હી હાઈવે પર સવારે 3 વાગ્યાની આસપાસ થયો હતો. આ અકસ્માતની માહિતી મળતાં જ ધારાસભ્ય અસીમ ગોયલ પણ હોસ્પિટલ પહોંચ્યા હતા. ધારાસભ્યએ ઘાયલોની હાલત પૂછી.
આ દર્દનાક માર્ગ અકસ્માતમાં છત્તીસગઢના રહેવાસી 44 વર્ષીય મીના દેવી, 21 વર્ષીય રાહુલ રહેવાસી ઝારખંડ, 53 વર્ષીય રોહિત રહેવાસી છત્તીસગઢ, 22 વર્ષીય પ્રદીપ નિવાસી ખુશી નગર ઉત્તર પ્રદેશ અને અન્ય એક મૃત્યુ પામ્યા. મૃતદેહોને અંબાલા સ્થિત હોસ્પિટલના શબઘરમાં રાખવામાં આવ્યા છે. આ સિવાય 10 લોકો ઘાયલ થયા હતા. જેમને હોસ્પિટલ ખસેડવામાં આવ્યા હતા.
પોલીસ શરૂ કરી તપાસ
આ મામલે પોલીસ એએસઆઇ નરેશ દ્વારા કહેવામાં આવ્યું હતું કે તેમણે સમગ્ર મામલાની તપાસ શરૂ કરી છે.