મહામારી / ચોંકાવનારો કિસ્સો : અહીં એવું બન્યું કે એકસાથે 24 લોકો કોરોના પોઝિટિવ અને એકનું મોત

ગત 8મી જુલાઈએ ગામનો એક યુવક ગુરુગ્રામ લગ્નપ્રસંગમાં ગયો હતો. પાછા આવતાં યુવકે પોતાનો ટેસ્ટ કરાવ્યો હતો. યુવકનો રિપોર્ટ કોરોના પોઝિટિવ આવ્યો હતો. જ્યારે વહીવટીતંત્રે તેના સંપર્કમાં આવેલા લોકો વિશે માહિતી લીધી ત્યારે જાણવા મળ્યું કે ગામના ઘણા યુવાનો આ કોરોના પોઝિટિવ યુવક સાથે હુક્કા પીતા હતા.

હુક્કા પીનારા તમામ યુવાનોનું કોરોના પરીક્ષણ કરાયું હતું.

હૂક્કા પીતા આ તમામ યુવાનોનું જ્યારે કોરોના પરીક્ષણ કરાયું ત્યારે તેઓ કોરોના પોઝિટિવ હોવાનું જાણવા મળ્યું હતું. આ રીતે, કોરોના પોઝિટિવ કેસ આવતા રહ્યા અને તે બધાને ખબર પડી કે આ લોકો એકઠા થઈને હુક્કા પીતા હતા. આ રીતે, કુલ 24 કેસ કોરોના પોઝિટિવ મળ્યાં છે. જેમાંથી એક કોરોના પોઝિટિવનું પણ મોત નીપજ્યું.

સંપૂર્ણ ગામ સીલ કરાયુ

ડોકટરો કહે છે કે હુક્કા પીવાથી કોરોના વાયરસ સીધા ફેફસામાં પહોંચે છે અને ચેપ ઝડપથી વધી જાય છે. આ જ કારણ છે કે ગામમાં 24 કોરોના પોઝિટિવ મળ્યાં છે. તે બધાનો હિસ્ટ્રી હુક્કા પીવાની દેખાઈ હતી. હવે આખા ગામને સીલ કરી દેવામાં આવ્યું છે. હુક્કા પીવા પર સંપૂર્ણ પ્રતિબંધ છે. 750 મીટર સુધીના વિસ્તારોમાં દુકાનો ખોલવા પર પણ પ્રતિબંધ મૂકવામાં આવ્યો છે.