રાજ્યસભા ચૂંટણી / હરિયાણાઃ હુડ્ડાએ એવું તો શું કહ્યું રાહુલ ગાંધીને કે સુરજેવાલાનો પડી ગયો ખેલ

• હરિયાણામાં ભૂપેન્દ્રસિંહ હુડ્ડાના દીકરા ઉમેદવાર
• રાહુલ સુરજેવાલાને આપવા માગતા હતા ટિકિટ
• ભૂપેન્દ્રસિંહ હુડ્ડાએ આપી હતી ગર્ભીત ચેતવણી

જ્યારે કુમારી શૈલજાનું નામ પણ રેસમાં હતું. જેને લઇને કોંગ્રેસની બેઠકમાં પણ તેમના નામનો ઉલ્લેખ થયો હતો જેમાં રાહુલ ગાંધી ઉગ્ર થયા હોવાનું પણ સામે આવ્યું છે. ઉમેદવારના નામની ખેંચતાણના કારણે જ નામની જાહેરાતમાં મોડુ થયું હતું.
 

મળતી માહિતી મુજબ ભુપેન્દ્રસિંહ હુડ્ડાએ પાર્ટી હાઇકમાન્ડને વર્ષ 2012ની રાજ્યસભાની ચૂંટણી યાદ અપાવી જ્યારે 12 ધારાસભ્યોએ બળવાખોરી કરી હતી. ત્યારે આ વખતે પણ હુડ્ડાએ સ્પષ્ટતા કરી હતી કે જો રણદીપ સુરજેવાલા અથવા કુમારી શેલજામાંથી કોઇને ઉમેદવાર બનાવામાં આવશે તો પાર્ટીના ધારાસભ્યો બળવાખોરી કરી શકે છે.

 

જેને લઇ ફરી મધ્યપ્રદેશ જેવી સ્થિતિ ન થાય તે માટે કોંગ્રેસે ભૂપેન્દ્રસિંહ હુડ્ડાના દીકરાને ટિકિટ આપી દીધી. આ રીતે ભૂપેન્દ્રસિંહ હુડ્ડા પોતાના દિકરાને રાજ્યસભાની ટીકિટ અપવામાં સફળ રહ્યાં. ઉલ્લેખનીય છે કે 2016માં રાજ્યસભા ચૂંટણીને લઇને કોંગ્રેસે હરિયાણામાંથી આર કે આનંદને ઉમેદવાર  બનાવ્યાં હતા. 
 

શું થયું હતું 2016ની રાજ્યસભાની ચૂંટણીમાં?

2016 માં રાજ્યસભા ચૂંટણીમાં કોંગ્રેસના ઉમેદવાર આર કે આનંદનો મુકાબલો ભારતીય જનતા પાર્ટીના સમર્થન અપક્ષ ઉમેદવાર સુભાષ ચંદ્રા સાથે હતો. કોંગ્રેસના 12 ધારાસભ્યોના મત ખોટી ઇન્ક કરવાના ઉપયોગના કારણે અમાન્ય થઇ ગયા. જેના કારણે સુભાષ ચંદ્રા ચૂંટણી જીતી ગયાં હતા.