મહામારી / કોરોનાને કાબૂમાં લેવા આ રાજ્યમાં આવતીકાલથી એક અઠવાડિયાના ટોટલ લોકડાઉનની જાહેરાત

• હરિયાણામાં 3 મેથી 7 દિવસના ટોટલ લોકડાઉનની જાહેરાત
• આરોગ્યમંત્રી અનિલ વિજે કરી જાહેરાત 
• રાજ્યમાં છેલ્લા ચોવીસ કલાકમાં કોરોનાના 13588 નવા કેસ

હરિયાણાના આરોગ્યમંત્રી અનિલ વિજે જણાવ્યું કે રાજ્યમાં કોરોનાના કેસો વધી રહ્યાં હોવાને પગલે સરકારે 3 મેથી 7 દિવસના ટોટલ લોકડાઉનનો નિર્ણય કર્યો છે. 

3 मई दिन सोमवार से 7 दिन के लिए सारे हरियाणा में पूर्ण लॉक डाउन घोषित ।

— ANIL VIJ MINISTER HARYANA (@anilvijminister) May 2, 2021

રાજ્યમાં છેલ્લા ચોવીસ કલાકમાં કોરોનાના 13588 નવા કેસો આવ્યાં છે. તો ગુરુગ્રામમાં પણ કોરોનાના 4099 કેસો નોંધાયા છે. શનિવારે આખા રાજ્યમાં કોરોનાને કારણે 125 લોકોના મોત થયા હતા. તો સામે પક્ષે 8509 લોકો સાજા પણ થયા હતા. 

એક્ટિવ કેસની સંખ્યા વધીને 33 લાખને પાર 

દેશમાં સંક્રમણના મામલા શુક્રવારની સરખામણીએ શનિવારે થોડા ઓછા કેસ આવ્યા છે.  ગત 24 કલાકમાં આની સંખ્યા 3, 92, 459 રહી છે. જો કે દેશમાં કોરોનાથી એક્ટિવ કેસની સંખ્યા વધીને 33 લાખને પાર થઈ ગઈ છે.  આ દરમિયાન કોરોનાના કારણે 3684 લોકોએ જીવ ગુમાવ્યો છે.

કોરોનાના 3 લાખ 92 હજાર 459 નવા મામલા સામે આવ્યા બાદ સંક્રમિતોની કુસ સંખ્યા વધી 1,95,49,910 થઈ ગઈ તથા 3684 લોકોના મોત થયા છે એ બાદ કુલ મોતની સંખ્યા વધીને  2,15,523 થઈ ગઈ છે. એક્ટિવ કેસની સંખ્યા વધીને 33,43,910 થઈ ગઈ છે. જે સંક્રમણના કુલ કેસના 17.06 ટકા છે. તથા દર્દીઓના સાજા થવાનો દર વધારે ઘટીને 81.84 ટકા રહી ગયો છે. આંકડા અનુસાર દેશમાં સંક્રમણ બાદ સાજા થયેલા લોકોની સંખ્યા વધીને 1,59,81,772 થઈ ગઈ છે. મૃત્યુદર 1.11 ટકા છે. આઈસીએમઆરના જણાવ્યાનુસાર 30 એપ્રિલ સુધી 28,83,37,385  નમૂનાની તપાસ કરવામાં આવી છે. જેમાં 19, 45, 299 નમૂનાની શુક્રવારે તપાસ કરવામાં આવી છે.