હરિયાણાના રેવાડીમાં વિદ્યાર્થિની પર થયેલા ગેંગરેપ મામલે પોલીસને મોટી સફળતા મળી છે. SITએ ગેંગરેપના મુખ્ય બંને આરોપીની મહેન્દ્રગઢના સતનાલીમાંથી ધરપકડ કરી છે.
SITએ આરોપી મનીષ અને પંકજની ધરપકડ કરી છે. જોકે આ ગેંગરેપનો માસ્ટર માઈન્ડ આરોપી નીશુની પોલીસે પહેલા જ ધરપકડ કરી હતી.
મહત્વની વાત છે કે આરોપી પંકજ સેનામાં જવાન તરીકે ફરજ બજાવે છે. જેના લગ્ન છ મહિના અગાઉ જ થયા હતા. તે કોટામાં ફરજ બજાવે છે અને રજાઓ ગાળવા માટે ઘરે આવ્યો હતો.
પંકજ બે વર્ષ અગાઉ જ સેનામાં ભરતી થયો હતો. ઉલ્લેખનીય છે કે 12 સપ્ટેમ્બરના રોજ ત્રણેય આરોપીઓએ વિદ્યાર્થિનીનું અપહરણ કર્યું હતુ
જ્યારે તે કોચિંગ ક્લાસમાં જઈ રહી હતી. બાદમાં આરોપીઓએ કારમાં લિફ્ટ આપવાના બહાને નશીલો પદાર્થ પીવડાવીને ખેતરમાં લઈ જઈ કુકર્મ આચર્યું હતું.