દુર્ઘટના / સોનીપતમાં મોટી દુર્ઘટના, સ્કૂલની છત તૂટી પડી, 27 છોકરા-છોકરીઓ ઘાયલ, 7 ની હાલત ગંભીર

• હરિયાણાના સોનીપતના ગન્નોરની સ્કુલની ઘટના
• ચાલુ સ્કૂલે છત તૂટી પડી, 27 છોકરા-છોકરીઓ ઘાયલ
• 7 વિદ્યાર્થીઓની હાલત ગંભીર

હરિયાણાના સોનીપતના ગન્નોરની સ્કૂલમાં આ મોટી દુર્ઘટના બની હતી. સ્કૂલ જ્યારે ચાલુ રહી હતી ત્યારે કોઈ કારણોસર છત તૂટી પડી હતી. છત તૂટી પડતા વિદ્યાર્થીઓમાં ચીસાચીસ મચી હતી. કેટલાક વિદ્યાર્થીઓ કાટમાળમાં દટાયા હતા. ઘટનાની જાણ થતા તંત્ર દ્વારા બચાવ કામગીરી શરુ કરવામાં આવી હતી. કુલ 27 બાળકોને નાની મોટી ઈજા પહોંચી છે જેમને તમામને હોસ્પિટલમાં દાખલ કરાવી દેવાયા છે તથા 7 બાળકની હાલત ગંભીર હોવાનું જણાવાય છે. 

ચાલુ સ્કૂલે બની ઘટના, અચાનક છત તૂટી પડી વિદ્યાર્થીઓ દટાયા
ગન્નોરની સ્કૂલ ચાલી રહી હતી ત્યારે આ ઘટના બની હતી. ઘટનાને પગલે વાલીઓમાં ચિંતાનુ મોટુ મોજુ ફેલાયુ હતું. તથા વાલીઓ તેમના બાળોને શોધવાનો પ્રયાસ કરી રહ્યાં હતા. 

છત પર માટી નાખવામાં આવી રહી ત્યારે ઘટના બની 
પ્રાપ્ત થતી વિગતો અનુસા, સ્કૂલમાં સમારકામ ચાલી રહ્યું હતું. ત્રીજા ધોરણના ક્લાસની કાચી છતી પર માટી નાખવાનું કામ ચાલી રહ્યું હતું. આ દરમિયાન છત તૂટી પડી હતી. તેને કારણે 27 બાળકો તથા 3 મજૂરો ઘાયલ થયા હતા. ઘટના બાદ આજુબાજુના વિસ્તારોમાં હડકંપ મચ્યો હતો.