બે રાજ્યોની વિધાનસભાની ચૂંટણીની મતગણતરી આજે હાથ ધરાશે. મહારાષ્ટ્ર અને હરિયાણામાં આજે મતગણતરી હાથ ધરવામાં આવશે. મહારાષ્ટ્રની 288 બેઠકો માટે ચૂંટણી યોજાઈ હતી. જ્યારે હરિયાણાની 90 બેઠકો માટે ચૂંટણી યોજાઈ હતી. મહારાષ્ટ્ર અને હરિયાણામાં અનેક દિગ્ગજ નેતાઓ ચૂંટણીના મેદાને છે.
2 રાજ્ય સહિત ગુજરાતની 6 બેઠકોનું આજે પરિણામ
સુરક્ષા વ્યવસ્થા બનાવાઇ મજબૂત
અનેક દિગ્ગજોના ભાવિનો આજે ફેંસલો
મહારાષ્ટ્રમાં CM દેવેન્દ્ર ફડણવીસ, આદિત્ય ઠાકરે,કોંગ્રેસ નેતા અને પૂર્વ CM અશોક ચવ્હાણ તેમજ NCPના વરિષ્ઠ નેતા અજીત પવાર અને જયંત પાટિલના ભાવીનો આજે નિર્ણય થશે. તો હરિયાણામાં CM મનોહરલાલ ખટ્ટર,કોંગ્રેસના દિગ્ગજ નેતા કુમારી શૈલેજા અને પૂર્વ CM ભૂપિન્દર હુડ્ડા તથા રણદીપ સુરજેવાલાનું ભાવી નક્કી થશે. હાલમાં મહારાષ્ટ્ર અને હરિયાણામાં ભાજપ સરકાર છે. ત્યારે સત્તાનું પુનરાવર્તન કે પરિવર્તન તે આજે નક્કી થશે.
રાજ્યના 6 પેટા ચૂંટણીનું પણ પરિણામ
રાજ્યની 6 બેઠકોની પેટા ચૂંટણી માટે મતદાન યોજાયા બાદ ઉમેદવારોનું ભાવિ EVMમાં કેદ થઈ ગયું છે અને આજે મતગણતરી છે. ત્યારે તમામ બેઠકોની મતગણતરી સવારે 8 વાગે શરૂ થશે. ભાજપ અને કોંગ્રેસના ઉમેદવારોના ભાવિનો ફેંસલો આજે થશે.
અલ્પેશ ઠાકોર સહિત દિગ્ગજ નેતાઓના ભાવિનો ફેંસલો
નોંધનીય છે કે, અલ્પેશ ઠાકોર,રઘુ દેસાઇ,જીવરાજ પટેલ,ગુલાબસિંહ રાજપૂત અને જગદીશ પટેલ તેમજ ધર્મેન્દ્ર પટેલ સહિતના ઉમેદવારોના ભાવિનો ફેંસલો આજે થશે. મતગણતરી યોજાવાની હોવાથી સુરક્ષા વ્યવસ્થા સઘન કરાઈ છે.
સુરક્ષા વ્યવસ્થા બનાવાઇ મજબૂત
સુરક્ષાના ભાગરૂપે SP,DySP,PI અને PSI સહિત પોલીસકર્મીઓ તૈનાત રહેશે. તો CRPF અને SRPની ટૂકડીઓને પણ તૈનાત કરવામાં આવી છે. મહત્વનું છે કે,થરાદ બેઠક પર સૌથી વધુ મતદાન નોંધાયુ હતું. જ્યારે અમરાઈવાડી બેઠક પર સૌથી ઓછું મતદાન નોંધાયુ હતું.