નિવેદન / યોગી બાદ હવે આ રાજ્યના ગૃહમંત્રીની જાહેરાત, 'લવ જિહાદ' સામે કાયદો લાવવાની તૈયારી

• યુપી બાદ હરિયાણામાં પણ લવ જિહાદ સામે કાયદો લાવવાની તૈયારી 
• લવ જિહાદ સામે કાયદો લાવવા પર વિચાર કરી રહી છે સરકાર 
• નિકિતા તોમર હત્યા કેસમાં પણ લવ જિહાદ એન્ગલ 

હરિયાણાના ગૃહમંત્રી અનીલ વીજે રવિવારે કહ્યું કે રાજ્ય સરકાર લવ જિહાદ સામે કાયદો લાવવા માટે વિચાર કરી રહી છે. વિજે એક ટ્વિટમાં કહ્યું કે હરિયાણામાં લવ જિહાદ સામે કાયદો બનાવવા પર વિચાર કરી છે.  

हरियाणा में लव जेहाद के खिलाफ कानून बनाने पर विचार किया जा रहा है ।

— ANIL VIJ MINISTER HARYANA (@anilvijminister) November 1, 2020

નોંધનીય છે કે યોગી આદિત્યનાથે શનિવારે કહ્યું હતું કે લાવ જિહાદને રોકવા માટે કડક કાયદો બનાવીશું અને ચેતવણી આપી હતી કે મહિલાઓની આબરૂ સાથે રમત કરનાર સુધરશે નહીં તો રામ નામ સત્યની યાત્રા પર નીકળશે.

Since Ballabhgarh woman killing case is being linked with 'love jihad,’ Centre as well as state govt is looking into it, and considering legal provisions so that guilty is not able to escape, and no innocent person is punished: Haryana Chief Minister Manohar Lal Khattar pic.twitter.com/EYMsdw9NtP

— ANI (@ANI) November 1, 2020

હરિયાણાના મુખ્યમંત્રી મનોહરલાલ ખટ્ટરે પણ કહ્યું હતું કે બલ્લભગઢની મહિલાની હત્યાનો કેસ લવ જિહાદ સાથે જોડાયેલ મુદ્દો છે અને કેન્દ્ર અને રાજ્ય સાથે મળીને તેના પર ગંભીરતાથી પ્રહાર કરી રહી છે. ખટ્ટરે કહ્યું કે સરકાર કાયદાકીય જોગવાઈઓ પર વિચાર કરી રહી છે જેથી દોષી બચી ન શકે. 

નોંધનીય છે કે હરિયાણામાં નિકિતા નામક એક યુવતીની હત્યાના કેસમાં પણ લવ જિહાદ એન્ગલ હોવાના આરોપ લગાવવામાં આવી રહ્યા છે. હરિયાણામાં આ મુદ્દે ખૂબ વિવાદ અને બળાપો પણ દેખાઈ રહ્યો છે ત્યારે સરકારે આ મુદ્દે મોટું નિવેદન આપ્યું છે. બીજી તરફ ઉત્તર પ્રદેશના યોગી આદિત્યનાથે પણ લવ જિહાદ સામે કાયદો લાવવાની જાહેરાત કરી દીધી છે.