દેશમાં જ્યારે રાજ્ય સરકારો વેતનમાં ઘટાડો કરવા પર વિચારી રહી છે. હરિયાણા સરકારે ફ્રન્ટલાઇન મેડિકલ હેલ્થ વર્કર્સ માટે સારુ પગલુ ઉઠાવ્યું છે. હરિયાણામાં જે હોસ્પિટલોમાં કોવિડ 19 દર્દીઓ દાખલ છે. ત્યાં આઇસોલેશન વોર્ડ્સમાં કામ કરનારા મેડિકલ સ્ટાફનો પગાર રાજ્ય સરકારે ડબલ કરવાનું એલાન કર્યું છે. તેમાં ડૉક્ટર્સ, નર્સ, પેરામેડિકલ સ્ટાફ અને હેલ્પર સામેલ છે.
હરિયાણામાં મેડિકલ સ્ટાફને મળશે ડબલ પગાર
પોલીસ કર્મચારીઓને રાહત માટે બનાવ્યું રિલીફ ફન્ડ
હરિયાણા સહિત અન્ય રાજ્યોમાં પણ કોરોના વાયરસ મહામારી દરમિયાન જે પ્રકારે મેડિકલ સ્ટાફ કોરોનાની જંગમાં રાત-દિવસ જોયા વિના લાગી ગયા છે. ત્યારે તેમના આ જુસ્સાને જોઇને તમામ ભારતીયો પણ તેમને સેલ્યૂટ કરી રહ્યું છે.
હરિયાણાના મુખ્યમંત્રી મનોહર લાલ ખટ્ટરે ગુરુવારે વીડિયો કોન્ફરન્સિંગ દ્વારા મેડિકલ સ્ટાફને સંબોધિત કર્યા છે. આ દરમિયાન તેઓએ આ 'કોરોના વોરિયર્સ' ના સમર્પણની ભાવનાના સન્માનમાં તેમનુ વેતન બેગણુ કરવાનું એલાન કર્યું છે.
હરિયાણા સરકારે કોવિડ 19 રિલીફ ફન્ડ પણ બનાવ્યું છે. તેનો ઉપયોગ એ પોલીસ કર્મચારીઓના પરિવારોને રાહત આપવા માટે કરવામાં આવશે જે ડ્યૂટીના સમયે સંક્રમણની ઝપેટમાં આવે છે. જો કોઇ કારણસર પોલીસ કર્મીનું મોત થાય છે તો કોરોના વાયરસ રિલીફ ફન્ડથી તેમના પરિવારને 30 લાખ રૂપિયાની મદદ કરાશે.