હરિયાણા / વિધાનસભા ચૂંટણી પહેલા મોટો બદલાવ, કુમારી શૈલજાને કોંગ્રેસે આપી મોટી જવાબદારી

આ ઉપરાંત ભૂપેન્દર સિંહ હુડ્ડા ચૂંટણી પ્રબંધન કમિટીના પ્રમુખ પણ બનાવાયા છે. કુમારી શૈલજા ગાંધી પરિવારની બહુ જ નજીકના માનવામાં આવે છે. સોનિયા ગાંધીના નજીકના નેતાઓમાં તેમની ગણતરી કરવામાં આવે છે. 

હરિયાણામાં આ વર્ષના અંતમાં વિધાનસભા ચૂંટણી યોજાવાની છે. સોનિયા ગાંધીના નજીકના ગણાતા શૈલજાએ અશોક તંવરનું સ્થાન લીધું છે. બીજી તરફ, હુ્ડ્ડાએ કિરણ ચૌધરીનું સ્થાન લીધું છે. 

હરિયાણાના કોંગ્રેસના પ્રભારી ગુલામ નબી આઝાદે બતાવ્યું કે શૈલજાને પ્રદેશ અધ્યક્ષ અને હુડ્ડાને વિધાયક દળના નેતા નિયુક્ત કરાયા છે. કોંગ્રેસ હાઇકમાનના આ નિર્ણયને હુડ્ડાની નારાજગી અને રાજ્યના પાર્ટી નેતાઓની આંતરીક ખેંચતાણને દૂર કરવાનો પ્રયાસ માનવામાં આવી રહ્યો છે. 

હાલમાં જ એવા સમાચાર આવ્યા હતા કે હુડ્ડા પાર્ટીના નેતૃત્વથી નારાજ છે અને અલગ થવાનો રસ્તો અપનાવી શકે છે. નારાજગીની અટકળો વચ્ચે ગત 29 ઓગસ્ટે હુ઼ડ્ડાએ કોંગ્રેસ અધ્યક્ષ સોનિયા ગાંધીની મુલાકાત લીધી હતી.