વર્તન / VIDEO: સેલ્ફી લેવા આવનાર યુવક પર ભડક્યાં CM મનોહરલાલ, ધક્કો મારીને ખસેડી દીધો

હરિયાણાનાં સીએમ મનોહરલાલનો એક વીડિયો હાલમાં સામે આવ્યો છે. જેમાં તેઓ સેલ્ફી લેવા આવેલ એક યુવકનો હાથ જોરથી ખસેડી દેતા જોવા મળે છે. જ્યાર બાદ સીએમની સાથે ચાલી રહેલ કેટલાંક લોકોએ તે યુવકને આરામથી પાછળ કરી દીધો. આ ઘટના કરનાલની જણાવવામાં આવી રહી છે જ્યાં સીએમ મનોહરલાલ એક કાર્યક્રમમાં શામેલ હોવા માટે પહોંચ્યાં હતાં.

#WATCH Haryana CM Manohar Lal Khattar pushes aside a man who tries to take a selfie with him, at an event in Karnal. pic.twitter.com/HZK10VWWQy

— ANI (@ANI) June 6, 2019

શું છે સમગ્ર મામલો?
હકીકતમાં હરિયાણાનાં સીએમ કરનાલમાં એક કાર્યક્રમમાં શામેલ થવા પહોંચ્યાં હતાં. તે દરમ્યાન તેઓ લોકોનું અભિવાદન સ્વીકાર કરતા જઇ રહ્યાં હતાં. પરંતુ ત્યારે એક યુવકે તેઓની સામે આવીને સીએમનાં પગે પડ્યો અને પછી સેલ્ફી લેવા માટે ફોનને આગળ કરી દીધો.

એવામાં સીએમ મનોહરલાલ નારાજ થઇ ગયા અને તેઓએ યુવકનો હાથ જોરથી ખસેડી નાખ્યો. આ ઘટના બાદ સાથ સીએમની સાથે ચાલી રહેલ લોકો પણ અવાક રહી ગયા. જો કે, બાદમાં લોકોએ તે યુવકને શાંતિથી પાછળની સાઇડ ખસેડી દીધો.

આ પહેલાં પણ થઇ ચૂક્યાં છે નારાજઃ
તમને જણાવી દઇએ કે આ પહેલાં ફેબ્રુઆરીમાં 2019માં સીએમ મનોહરલાલે જનતાની વચ્ચે જ પોતાનાં ગુસ્સા પરનો કાબુ ગુમાવી બેઠા હતાં. તે સમયે મળવા આવેલ એક વૃદ્ધ દંપતિ પર તેઓ ગુસ્સે થઇ ગયા હતાં. તમને જણાવી દઇએ કે તે દંપતિ 19 લાખનાં ફર્જીવાડાની ફરિયાદને લઇને સીએમ પાસે પહોંચ્યાં હતાં. સીએમની આ નારાજગીનો વીડિયો પણ કેમેરામાં કેદ થયો હતો.