ચડ્ડો અને ટી-શર્ટ પહેરીને કાર્યાલય પહોંચેલા સીએમઓ ડૉ. પ્રદીપ શર્માનો સોશિયલ મીડિયા પર ફોટો ચર્ચામાં છે. ત્યારે, ધારાસભ્ય સોમબીર સાંગવારને તેની ફરિયાદ મુખ્યમંત્રી અને સ્વાસ્થ્ય મંત્રીને કરવાની વાત કહી છે. જ્યારે સીએમઓએ સ્પષ્ટતા કરતા કહ્યું કે તેઓ સવારે જૉગિંગ બાદ નિરીક્ષણ કરવા માટે હોસ્પિટલ પહોંચ્યા હતા. તે દરમિયાન કોઈએ તેમનો ફોટો લઇને વાયરલ કરી દીધો. ત્યારે, આ મામલે ડીસી શિવ પ્રસાદે કહ્યું કે, અધિકારી ડ્યૂટી આપે સારી વાત છે પણ મર્યાદા ન ભૂલે.
જોકે તેમના પહેરવેશને લઇને સર્જાયો વિવાદ, CMOએ કરી સ્પષ્ટતા
શનિવારે જે ફોટો વાયરલ થયો છે, તેમાં હરિયાણા ચરખી દાદરીની સિવિલ હોસ્પિટલના સીએમઓ ડૉ. પ્રદીપ શર્મા વગર માસ્ક પોતાની ઓફિસની ખુરશી છોડીને બહાર આવતા નજરે પડી રહ્યા છે, જ્યારે તેમની સાથે ત્રણ સ્ટાફ નર્સ પણ ઉભી નજરે આવી રહી છે. આ પહેલા પણ સીએમઓ ગુરૂગ્રામ પોલીસ સાથે મારપીટના આરોપમાં ચર્ચામાં રહી ચૂક્યા છે. બીજી વખત તેમનો ફોટો વાયરલ થતા તેઓ ફરી ચર્ચામાં આવી ગયા. ત્યારે, ધારાસભ્ય સોમબીર સાંગવાને વીડિયોમાં સીઓમઓના પહેરવેશને આપત્તિજનક ગણાવતા મુખ્યમંત્રી મનોહર લાલ અને સ્વાસ્થ્ય મંત્રી અનિલ વિજને ફરિયાદ કરવાની વાત કરી છે.
સીએમઓએ સ્પષ્ટતા કરી
ખાનગી ન્યૂઝ એજન્સી સાથે વાત કરતા સીએમઓ ડૉ. પ્રદીપ શર્માએ જણાવ્યું કે, તેઓ સવારે જોગિંગ માટે નિકળ્યા હતા અને તેઓ ત્યાંથી હોસ્પિટલનું નિરીક્ષણ કરવા પહોંચી ગયા. તેઓ જોવા માંગતા હતા કે કોણ ડૉક્ટર સમયસર આવે છે અને કોણ ગેરહાજર છે. તેમણે જણાવ્યું કે ત્યારબાદ તેઓ કાર્યાલયમાં જઇને કામ પતાવવા લાગ્યા. આ ફોટો સવારે અંદાજિત 10 વાગ્યે લેવામાં આવ્યો છે. સંકટના સમયમાં 24 કલાક ડ્યૂટી કરી રહ્યો છું.
ડ્યૂટી કરો પરંતુ મર્યાદાનું ધ્યાન રાખો
ડેપ્યૂટી કમિશનર શિવ પ્રસાદે કહ્યું કે કોરોના મહામારી દરમિયાન અધિકારીઓને શનિવાર-રવિવારે પણ ડ્યૂટી કરવી પડી રહી છે. શનિવારે સીએમઓએ બેઠક અને નિરીક્ષણ કર્યું તે સારી વાત છે. જોકે હાફ પેન્ટ અને ટી શર્ટમાં કાર્યાલય જવું યોગ્ય નથી. મર્યાદાનું ધ્યાન રાખવું જોઇએ.