દુષ્કર્મ / મહારાષ્ટ્રની સગીરા ગુજરાતમાં બની દુષ્કર્મનો શિકાર, સ્પોર્ટસની તાલીમ લેવા આવી હતી ગાંધીનગર

• લગ્નની લાલચ આપીને બનાવી હવસનો શિકાર 
• ગેસ્ટહાઉસમાં લઈ જઈને આચર્યુ દુષ્કર્મ 
• સગીરાના પરિવારે મહારાષ્ટ્રમાં નોંધાવી પોલીસ ફરિયાદ 

મહારાષ્ટ્રાના અમરાવતીમાં રહેતી સગીરા ગાંધીનગરમાં સ્પોર્ટસ ઓથોરિટી ઓફ ઈન્ડીયામાં તાલીમ અર્થે આવી હતી. જેની સાથે દુષ્કર્મ થયું હોવાની ફરિયાદ ગાંધીનગર પોલીસને મળી છે. સગીરાના પરિવારે ફરિયાદમાં એવો ઉલ્લેખ કર્યો છે, કે હરિયાણાના ખેલાડીએ તેની સાથે દુષ્કર્મ આચર્યું હતું. 

સગીરાને પ્રેમજાળમાં ફસાવી 

સમગ્ર મામલે વીગતવાર વાત કરીએ તો સગીરા અને આરોપી યુવક બંને ગાંધીનગર ખાતે સ્પોર્ટસ ઓથોરિટી ઓફ ઈન્ડિયામાં તાલીમ લેવા આવ્યા હતા. જ્યા આરોપી યુવકની નજર સગીરા પર પડી અને તેને પોતાની પ્રેમજાળમાં ફસાવી હતી. બાદમાં આરોપી યુવકે સીગરાને લગ્નની લાલચ આપીને તેને સાથે દુષ્કર્મ આચર્યું હતું. 

ગેસ્ટહાઉસમાં બનાવી હવસનો શિકાર 

સગીરા 6 મહિના સુધી  સ્પોર્ટસ એથોરિટી ઓફ ઈન્ડિયા સંકુલમાં રોકાઈ હતી. જ્યા તેનો સંપર્ક આરોપી યુવક સાથે થયો હતો. સગીરાની તાલીમ પૂર્ણ થયા બાદ આરોપી તેને ગાંધીનગરમાં આવેલ ગેસ્ટ હાઉસમાં લઈ ગયો. જ્યા તેણે સગીરાને લગ્નની લાલચ આપીને તેની સાથે દુષ્કર્મ આચર્યું હતું. 

સગીરાની માતાએ તેની પૂછપરછ કરી 

બાદમાં બંને તેમના વતન જતા રહ્યા હતા. જોકે સગીરા તે યુવકના સંપર્કમાં હતી. જેથી તેની માતાએ તેની પૂછપરછ કરી ત્યારે તેણે તેની માતાને બધી વાત કરી હતી. તે સમયે તેની માતા ચોંકી ગઈ. જેથી પરિવારજનોએ મામલે પોલીસમાં ફરિયાદ નોંધાવી. 

પરિવારજનોએ નોંધાવી ફરિયાદ 

ઉલ્લેખનીય છે કે સમગ્ર મામલે સગીરાના પરિવારજનોએ જ્યારે અમરાવતી પોલીસમાં ફરિયાદ નોંધાવી. ત્યારે ત્યાની પોલીસે આ ફરિયાદ ગાંધીનગર પોલીસને ટ્રાન્સફર કરી. જેથી ગાંધીનગર પોલીસે હાલ આ સમગ્ર મામલે કાયદેસરની કાર્યવાહી આરંભી છે.